Sport

Barcelonës i duhet të lirohet nga pagat e larta, përgatitet rikthimi i Coutinho në Premier League

Autori: Gazeta inFokus 11:35 | 23 December 2021

Philippe Coutinho përgatitet të largohet nga Barcelona pas transferimit të bujshëm prej 145 milionë paund janarin e vitit 2018 nga Liverpooli. Braziliani nuk ia doli për asnjë moment të përshtatej te katalanasit të cilëve tashmë iu duhet ta largojnë pasi kanë nevojë të lirohen nga paga e lartë që përfiton 29-vjeçari.

Ndërkaq, lojtari nuk është as në planet e trajnerit Xavi Hernnandez dhe në këtë formë, drejtuesit kanë përshpejtuar manovrat në merkato. Sipas Mundo Deportivo, fantazisti është duke përgatitur një rikthim në Premier League, por jo tek Liverpool. Fjala është për tek rivalët e tyre të Everton teksa përfaqësuesit e lojtarit kanë nisur kontaktet e para me drejtuesit e anglezëve.

Everton është në pozita të vështira në këtë sezon ndaj trajneri Rafa Benitez kërkon me çdo kusht të përmirësohet në merkato. Megjithatë, për Coutinhon ka edhe mundësi të tjera në Premier League teksa më parë janë lakuar edhe emrat e Newcastle dhe Tottenham.

-Advertisement-

Subscribe në YouTube: GAZETA INFOKUSI