Lajme

Nis zyrtarisht Kuvendi Kombëtar i 18 dhjetorit, Basha pritet me entuziazëm nga demokratët

Autori: Gazeta inFokus 12:37 | 18 December 2021

Në Pallatin e Kongreseve në Tiranë ka nisur Kuvendi i thirrur nga lideri i Partisë Demokratike, Lulzim Basha.

Ky i fundit është pritur me ovacione nga mbështetësit e tij.

Pas përfundimit të vërtetimit të delegatëve, këto të fundit janë drejtuar për te salla e takimeve.

-Advertisement-

Rendi i ditës ka të bëjë me vendimmarrje mbi situatën politike, si dhe marrjen e masave për të mbrojtur interesin e Partisë Demokratike.

Kjo duke mos lejuar që “problemet apo interesat personale të secilit anëtar të dëmtojnë interesat elektorale dhe politike të PD, dhe agjendën e saj politike në përballjen me regjimin e Edi Ramës”.

Gjithashtu një pikë kyçe është miratimi i aksionit politik për të ardhmen e Partisë Demokratike dhe shpalljen e Platformës Qytetare për Demokraci.

Në përfundimit pritet miratimi i programit organizativ të Partisë Demokratike për të përgatitur strukturën e partisë për zgjedhjet e ardhshme.

Ndërkohë jashtë Pallatit janë pozicionuar të gjithë mbështetësit e Bashës.

Ata mbajnë në duar një banderolë ku shkruhet se “zgjedhin të ardhmen”.

Në Kuvend, pritet të merren vendime për zhvillimet e fundit brenda partisë dhe si një kundërpërgjigje për Kuvendin e thirrur nga ish-kryeministri Berisha. Janë 15 komisione të ndarë sipas qarqeve dhe një komision i veçantë për deputetët dhe Këshillin Kombëtar.
TOP CHANNEL

Subscribe në YouTube: GAZETA INFOKUSI