Lajme

Arrestohen tre persona në Gjilan për veprimtari kriminale

Autori: Gazeta inFokus 10:43 | 14 December 2021

Policia e Kosovës ka arrestuar tre persona në tri raste të ndara në Gjilan, nën dyshimet se janë përfshirë në veprimtari kriminale, shkruan Gazeta Infokus.

Njësitë Policore kanë njoftuar se një person është arrestuar në Gjilanit për posedim të paautorizuar të narkotikeve, ndërsa dy arrestimet tjera në fshatin Uglar për posedim të paautorizuar të armëve dhe organizimin e bixhozit të paligjshëm.

“Është arrestuar personi i dyshuar (S. R.), lidhur me rastin “Blerja, posedimi, shpërndarja, e paautorizuar e narkotikeve, substancave psikotrope dhe analoge”, pasi tek i njëjti është gjetur sasi e substancave narkotike e dyshuar mariuhanë në sasi 11.89.gr”, ka njoftuar Policia.

-Advertisement-

Ndërsa dy arrestime kanë ndodhur në fshatin Uglar për mbajtja të paautorizuar të armëve dhe organizimit të skemave piramidale dhe bixhozit të paligjshëm.

“Në fshatin Uglar janë arrestuar dy persona, njëri për rastin “Mbajtja në pronësi, kontroll apo posedim i paautorizuar i armëve”, pasi i njëjti kishte hyrë në një lokal me armë. Ndërsa tjetri për “Organizim i skemave piramidale dhe bixhozit të paligjshëm”, pasi i njëjti në cilësinë e pronarit të lokalit, ka lejuar dhe mundësuar që të zhvillohen veprimtari të skemave piramidale, bixhozit dhe lojërave te tjera te fatit”, njofton polica.

Me vendim të prokurorit i dyshuari ndalohet për 48 orë/Gazeta Infokus/