Lajme

Ministria e Arsimit tregon se kur përfundon gjysmë vjetori i parë e kur fillon gjysmë vjetori i dytë

Autori: Gazeta inFokus 15:04 | 13 December 2021

Ministria e Arsimit, Shkencës, Teknologjisë dhe Inovacionit njofton se periudha e parë e vitit shkollor 2021/2022, përfundon me 30 dhjetor 2021, pra pushimi dimëror fillon me 31 dhjetor në të gjitha nivelet e arsimit parauniversitar, shkruan Gazeta Infokus.

Përmes një njoftimi në ‘facebook’, ministria tha se periudha e dytë e këtij viti shkollor fillon më 10 janar 2022.

“Duke qenë se është duke u zbatuar vendimi për kompenzimin e 18 ditëve të humbura mësimore si pasojë e gjendjes me pandeminë, edhe datat 28, 29 dhe 30 dhjetor (ditë të pushimit dimëror sipas Kalendarit shkollor), do të jenë ditë mësimi”

-Advertisement-

“Rikujtojmë se kompenzimi i ditëve të humbura të mësimit po bëhet sipas rekomandimeve nga Task-forca në nivel të MAShTI-t, ku përfaqësohen të gjitha institucionet relevante si: IKShPK, SBAShK, Këshilli i Prindërve dhe Drejtoritë Komunale të Arsimit”, shkruhet në njoftimin e Ministrisë.

Më poshtë gjeni postimin e tyre të plotë:/Gazeta Infokus/