Lajme

Këto ishin reagimet kur ndodhi Masakra e Reçakut

Autori: Gazeta inFokus 11:02 | 11 December 2021

Gazetari holandez, Stefan Van Dijk, ka komentuar mohimet e fundit të Masakrës së Reçakut nga ministri i Punëve të Brendshme të Serbisë, Aleksander Vulin.

Van Dijk tha se nuk mund të lejojnë që Serbia t’i fshijë faktet e spastrimit etnik, të fundit në historinë evropiane.

“Ne si evropianë nuk mund të lejojmë që Serbia t’i fshijë faktet e spastrimit të fundit etnik në historinë evropiane”, ka shkruar ai në llogarinë e tij në Twitter.

-Advertisement-

Tutje, ai në këtë postim ndau edhe ballinën e gazetës “Koha Ditore” të publikuar pikërisht në ditën kur edhe ka ndodhur Masakra e Reçakut.

“Në ditën kur një ministër i një vendi të caktuar mohon një masakër në Kosovë, gazeta Koha Ditore vendos gazetën origjinale të asaj dite në janar 1999”, shkroi Van Dijk, përcjell Klankosova.tv.

Kujtojmë se Masakra e Reçakut ka qenë pika kritike e luftës së fundit në Kosovë. Ajo e bindi bashkësinë ndërkombëtare që angazhimi ushtarak në Kosovë të nis menjëherë.

At the day that a minister of a certain country denies a massacre in #Kosovo, quality paper Koha Ditore places the original newspaper of that day in January 1999.

We as Europeans cannot allow Serbia to erase the facts of the last ethnic cleansing in European history. pic.twitter.com/r08s33tLiR

— Stefan in Kosovo (@StefanInKosovo) December 10, 2021