Lajme

Gashi nis mandatin e tretë në krye të Obiliqit: Qytetari do të jetë kryefjala

Autori: Gazeta inFokus 13:35 | 08 December 2021

Kuvendi Komunal i Obiliqit ka mbajtur mbledhjen inauguruese, ku janë betuar kryetari dhe 21 asamblistët e rinj. Xhafer Gashi nga Iniciativa Qytetare, i cili ka udhëhequr dy mandate me Obiliqin, tha se prioritet i qeverisjes së tij në mandatin e tretë mbetën arsimi dhe shëndetësia.

Para asamblistëve dhe të ftuarve të tjerë në ceremoninë solemne të marrjes së detyrës, Gashi shtoi se kryefjala e qeverisjes së tij edhe për një mandat tjetër do të jenë qytetarët.

“Ky mandat do të jetë vazhdim i përkushtimit, punës, vullnetit, angazhimit të pandalshëm për të përmbushur kërkesat dhe nevojat e qytetarëve. Plani ynë është i qartë, qytetari i Obiliqit do të jetë kryefjala e çdo zhvillimi. Bashkë me qytetarët do të zhvillojmë projekte, bashkë do t’i mbikëqyrim dhe bashkë do t’i gëzojmë ato. Shërbimet efikase administrative, transparencë dhe llogaridhënie, janë jo vetëm betim por edhe obligim yni kryesor karshi bashkëqytetarëve tanë”, theksoi ai.

-Advertisement-

Më tej, Gashi shtoi se arsimi dhe shëndetësia janë prioritet i qeverisës dhe punës katërvjeçare.

“Do të punojmë fuqishëm në ngritjen e cilësisë në arsim, shërbime shëndetësore. Do të vazhdojmë përmirësimin e shërbimeve publike, infrastrukturore, rrugore e nëntokësore. Një komb që punon për brezat e rinj ka të ardhmen e garantuar. Ne do të mbështesim dhe do të bëjmë më të lehtë rrugëtimin e tyre drejt sukseseve për të rinjtë dhe të rejat e Obiliqit”, ka shtuar ai.

Për studentët e dalluar, sportistët dhe të rinjtë e talentuar, Gashi ka premtuar përkrahje. Ndërsa, për deponitë ilegale ai u zotua se do të kthehen në hapësira të gjelbra, parqe dhe hapësira rekreative.

Gjatë betimit të kryetarit Xhafer Gashi, asamblistët e Lëvizjes Vetëvendosje kanë lëshuar sallën e Shtëpisë së Kulturës “Xhavit Haziri”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy