Lajme

Molliqaj: Kurti braktisi kauzat, e qytetarët po e braktisin Kurtin

Autori: Gazeta inFokus 13:25 | 08 December 2021

Kryetari i PSD-së, Dardan Molliqaj, ka shfaqur kritika ndaj ish-shefit të tij, kryeministrit Albin Kurti, për mënyrën e qeverisjes, duke kërkuar që kabineti i tij të ndalë presionin ndaj sindikatave, shkruan Gazeta Infokus.

Sipas tij, qytetarët po e braktisin Albin Kurtin, meqë ai braktisi qytetarët dhe kauzat.

”Të ndalet menjëherë presioni ndaj sindikatave. Siç ndodh rëndom në pushtetet me tendenca totalitare, deklaratat e kryeministrit dhe ministrave shndërrohen në urdhra policor. Kurti e Murati sulmuan para ca ditësh sindikatat në media, inspektorët dje u hynë nëpër zyra.

-Advertisement-

Siç ndodh rëndom në shtetet me orientim ideologjik të djathtë, aktiviteti sindikal sulmohet e shtypet. Kurti që braktisi idetë e barazisë, të drejtave të punëtorëve dhe mirëqenies sociale, sot armikun e sheh bash tek sindikatat.

Partia shtet nuk lejon organizata të pavarura. Aq më pak protestuese. Për të ose ka organizata të partisë që duhet t’i instrumentalizojë, ose organizata armiqësore që duhet t’i luftojë. Mendësia totalitare nuk e pranon tjetrin të barabartë por veç të nënshtruar. Dhe kjo s’është diçka e re, sepse ka ndodhur gjithandej ku ka pasur pushtete të tilla.

Protesta e kundërshtimi ndaj Kurtit, përherë e më shumë po bëhen shënjues të protestës për barazi sociale, mirëqenie ekonomike e demokraci. Të gjitha këto, projekte të braktisura prej tij. Kurti ka braktisur kauzat e qytetarët po e braktisin Kurtin. Drejtësia e kauzave ka mposhtur çdo apetit të individit”, ka thënë Molliqaj./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy