Instituti për Politika Zhvillimore, në kuadër të projektit “Rimëkëmbje për Qëndrueshmëri” ka publikuar analizën me titull “Ringjallja përmes kredive – Pritjet dhe Arritjet e masës së dytë të Pakos së Ringjalljes”.

Ky punim trajton ringjalljen ekonomike nga perspektiva e masës 2.1 – Subvencionimi i kredive investive.

Sipas INDEP punimi ka gjetur shuma totale të parapara për këtë masë, me vetëm 10.43 milionë euro te cilat janë alokuar deri më tani.

Gjithashtu sipas Instituti për Politika Zhvillimore është konstatuar që nevojitet dinamikë më e shtuar dhe bashkëpunim më i madh në mënyrë që synimet e masës 2.1 të zbatohen.

INDEP i ka rekomanduar Qeverisë disa pika se si mund të realizohet ky punim:

• Qeveria e Kosovës duhet të monitorojë me kujdes të shtuar procesin e marrjes së kredive dhe shfrytëzimit të tyre.

• Rekomandojmë që cilado pako e ardhshme e ringjalljes apo rimëkëmbjes që do të dizajnohet, të ketë në qendër konsultimin publik me palët e interesuara.

• Monitorimi i Pakos së Ringjalljes Ekonomike do të duhej të pasohej me një uebfaqe apo mekanizëm. Përmes kësaj uebfaqe apo mekanizmi, do të rritej niveli i transparencës, do të informoheshin më shpejtë dhe më lehtë qytetarët, shoqëria civile dhe të gjithë akterët e tjerë të përfshirë në këtë proces.

• Qeveria e Kosovës duhet të bëjë një kampanjë informimi më të intensifikuar rreth aplikimit dhe përfitimit nga masat e Pakos së Ringjalljes Ekonomike.

• Kategoritë e bizneseve përfituese nga nënmasa 2.1. Subvencionimi i kredive investive duhet të rriten. Përpos kategorive që aktualisht janë përfituese nga kjo nënmasë, edhe bizneset tjera të cilat janë dëmtuar si shkak i pandemisë COVID-19 duhet të përfshihen në këtë mbështetje që ofrohet nga kjo nënmasë.

• Në mënyrë që rimëkëmbja të jetë e gjelbër dhe të jetë një forcë reformuese e uljes së ndotjes dhe transformimit të gjelbër të sistemeve energjetike dhe mjedisore, një vëmendje e shtuar duhet t’u kushtohet masave që kursejnë energjinë, ndryshojnë trendet e konsumit të energjisë dhe kërkesën për energji etj.

Për të lexuar punimin e plotë, klikoni këtu: https://indep.info/ringjallja-permes-kredive-pritjet-dhe…/

Ky publikim u mbështet nga Balkan Trust for Democracy (BTD), një projekt i Fondit Gjerman Marshall të Shteteve të Bashkuara dhe popullit amerikan përmes USAID-it. Pikëpamjet dhe opinionet e shprehura nuk pasqyrojnë domosdoshmërisht ato të Balkan Trust for Democracy, Fondit Gjerman Marshall, USAID-it apo të Qeverisë Amerikane.

Gazeta Infokus pati raportuar edhe buletinin e parë “Rimëkëmbje për Qëndrueshmëri” të cilin mund ta gjeni KËTU./Gazeta Infokus/

Thyhet REKORDI I ZBRITJEVE!

Sponsoruar