Lajme

Arrestohet hajni 19-vjeçar në Mitrovicë, vodhi në lokale, shtëpi e çanta krahu

Autori: Gazeta inFokus 10:43 | 30 November 2021

Hetuesit policorë në kuadër të Stacionit Policor Jugu në Mitrovicë, kanë arritur të identifikojnë dhe të arrestojnë një person të dyshuar për përfshirje në tri raste të ndryshme të veprave panele ‘vjedhjeve të rënda’, raste këto të raportuara në muajin e fundit në Mitrovicë, ku cak i këtyre vjedhjeve ishin dyqane, shtëpi dhe çanta krahu.

Mbi dyshimet e ngritura dhe provat e siguruara, hetuesit policorë kanë identifikuar dhe arrestuar të dyshuarin “K. U.,19 vjeç, shtetas i Republikës së Kosovës, pasi i njëjti dyshohet që në tri lokacione të ndryshme në Mitrovicë ka kryer veprat penale”, njofton policia, transmeton Express.

Pas procedurave intervistuese, nga ana e prokurorit të rastit të dyshuarit i është caktuar masa e ndalimit policor për 48 orë.

-Advertisement-

Subscribe në YouTube: GAZETA INFOKUSI