Në një deklaratë të përbashkët, deputetët e Parlamentit Evropian dënuan autoritetet në Serbi dhe presidentin Aleksandar Vuçiq, duke thënë se është e papranueshme që policia të mbrojë muralin e një të dënuari për krime lufte në vendin që është kandidat për anëtarësim në BE.

Deklarata është nënshkruar nga nëntë eurodeputetë dhe siç shkruan rs.n1info duke e cituar nova.rs, dokumenti i është ofruar edhe raportuesit për Serbinë në Parlamentin Evropian, Vladimir Bilçik-ut, por ai ka refuzuar ta nënshkruajë, transmeton Klan Kosova.

Në deklaratë thuhej se murale të Ratko Mlladiq, një gjeneral serb boshnjak i dënuar për krime lufte në Bosnje dhe Hercegovinë dhe gjenocid në Srebrenicë para Gjykatës Penale Ndërkombëtare për ish-Jugosllavinë dhe të tjerëve si ai, u gjetën në të gjithë Serbinë.

“Një nga muralet e Mlladiqit, e cila është pikturuar para disa muajsh në qendër të Beogradit, është dashur të hiqet, por policia serbe dje e ka penguar këtë. “Ndërsa një grup aktivistësh për të drejtat e njeriut, të udhëhequr nga Nisma e Rinisë për të Drejtat e Njeriut në Serbi, njoftuan për heqjen e tij për 9 Nëntor, Ditës Ndërkombëtare kundër Fashizmit dhe Antisemitizmit, por Ministria e Brendshme e Serbisë e ndaloi tubimin”, thuhet në deklaratë.

Sipas burimeve të mediave serbe, ky dokument i është ofruar edhe eurodeputetit Vladimir Bilçik, por ai nuk ka pranuar ta nënshkruajë.

Në deklaratë thuhet se aktivistët serbë, pavarësisht ndalimit nga policia, janë mbledhur për të protestuar kundër muralit, i cili është mbrojtur nga policia, duke sjellë përshkallëzimin e konfliktit dhe arrestimin e dy aktivistëve.

“Mbrojtja e muralit është një shembull tjetër se çfarë mendon Qeveria e Serbisë dhe presidenti Vuçiq për pajtimin, sundimin e ligjit, demokracinë dhe bashkëpunimin rajonal. Edhe një herë, autoritetet serbe dhe zyrtarët më të lartë politikë serbë kanë treguar hapur se nuk e respektojnë drejtësinë ndërkombëtare dhe vendimet e saj, si dhe viktimat e luftërave jugosllave. Është krejtësisht e papranueshme që një vend kandidat për në BE ts vendosë policinë për të mbrojtur një mural të një krimineli të dënuar lufte, i cili është drejtpërdrejt përgjegjës për krimet dhe vrasjet masive në dhe rreth Srebrenicës në korrik të vitit 1995, duke kontribuar kështu drejtpërdrejt në ri-traumatizimin e viktimës. U bëjmë thirrje autoriteteve serbe që të ndalojnë mohimin e gjenocidit në Srebrenicë dhe glorifikimin e kriminelëve të dënuar të luftës, sepse kjo është në kundërshtim me të gjitha vlerat evropiane dhe universale të të drejtave themelore të njeriut. Qytetarët e Serbisë meritojnë të jetojnë në një vend, qeveria e të cilit respekton viktimat dhe të drejtat e njeriut, dhe jo në një vend që mbron pikturat murale të kriminelëve të luftës,” citohet të kenë deklaruar eurodeputetët.

Hej, hej, hej, erdhi Black Friday me zbritje deri në 75% në Comodita Home

Sponsoruar