Gjatë 24 orëve të fundit në Kosovë kanë ndodhur gjashtë raste të dhunë në familje, shkruan Gazeta Infokus.

Rastet e dhunës kanë ndodhur në Prishtinë, Gjilan, Prizren, Rahovec, Malishevë si dhe në Mitrovicë.

Në rastin e dhunës në familje në Prishtinë është arrestuar një person pasi që ka ushtruar dhunë ndaj bashkëshortes së tij.

“Është arrestuar i dyshuari mashkull kosovar, pasi që ka ushtruar dhunë ndaj bashkëshortes së tij viktimës femër kosovare. Me vendim të prokurorit, i dyshuari është dërguar në mbajtje”, thuhet në raportin 24 orësh të Policisë së Kosovës.

Në rastin e dhunës në familje në Gjilan është raportuar se një i dyshuar ka ushtruar dhunë ndaj nënës së tij.

Me vendim të prokurorit i dyshuari është dërguar në mbajtje.

“Është arrestuar i dyshuari mashkull kosovar, pasi që i njëjti ka ushtuar dhunë ndaj nënës së tij viktimës femër kosovare.  Me vendim të prokurorit, i dyshuari  është dërguar në mbajtje”, thuhet në raport.

Në Prizren është raportuar se një i dyshuar është arrestuar pasi që në gjendje të dehur ka ushtruar dhunë ndaj bashkëshortes së tij.

Sipas policisë gjatë kontrollimit të shtëpisë janë gjetur dhe konfiskuar një pushkë automatike, dy karikator, 8 fishekë dhe një granat dore, ku i dyshuari me vendim të prokurorit është dërguar në mbajtje.

“Është arrestuar i dyshuari mashkull kosovar pasi që në gjendje të dehur ka ushtruar dhunë ndaj bashkëshortes së tij viktimës femër kosovare. Gjatë kontrollimit të shtëpisë, janë gjetur dhe konfiskuar një pushkë automatike, dy karikator, 8 fishek dhe një granat dore Me vendim të prokurorit, i dyshuari është dërguar në mbajtje”, thuhet në raport.

Rasti i dhunës në Rahovec është raportuar nga një grua e cila ka pranuar trajnim mjekësor pasi që është sulmuar fizikisht nga bashkëshorti i saj, i cili ka qenë nën ndikimin e alkoolit.

Sipas Policisë palët janë intervistuar dhe me vendim të prokurorit, i dyshuari është arrestuar dhe dërguar në mbajtje.

“Viktima femër kosovare ka pranuar trajtim mjekësorë, pasi që është sulmuar fizikisht nga bashkëshorti i saj i dyshuari mashkull kosovar (nën ndikim të alkoolit). Palët janë intervistuar dhe me vendim të prokurorit, i dyshuari është arrestuar dhe dërguar në mbajtje”, thuhet në raportin e Policisë.

Në rastin e dhunë në familje në Malishevë janë  arrestuar një grua dhe një burrë pasi që janë rrahur ndërmjet veti.

Të lënduarit kanë pranuar tretman mjekësor ndërsa me vendim të prokurorit, pas intervistimit palët janë liruar dhe rasti shkon në procedurë të rregullt.

“Janë arrestuar burrë e gruar kosovarë, pasi që janë rrahur në mes vete. Të lënduarit kanë pranuar tretman mjekësor. Me vendim të prokurorit, pas intervistimit palët janë liruar dhe rasti shkon në procedurë të rregullt”, thuhet në raportin e Policisë, përcjell Gazeta Infokus.

Rasti i dhunës në familje në Mitrovicë është arrestuar një person pasi që në vazhdimësi ka ushtruar dhunë  psikike në familje, si dhe ka sulmuar fizikisht djalin e tij.

Me vendim të prokurorit i dyshuari është dërguar në mbajtje.

“Është arrestuar dyshuari mashkull kosovar, pasi që në vazhdimësi ka ushtruar dhunë psikike në familje, ndërsa sot e ka sulmuar fizikisht djalin tij viktimën mashkull kosovar. Me vendim të prokurorit,  i dyshuari është ndërguar në mbajtje”, thuhet në raportin 24 orësh të Policisë së Kosovës.

Në gjashtë raste të dhunë në familje janë arrestuar shtatë persona, gjashtë prej tyre janë burra dhe një është grua./Gazeta Infokus/

BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Sponsoruar