Rozë

Me veshjet transparente të linjës së saj, Rihanna ‘ndez’ sërish rrjetin

Autori: Gazeta inFokus 08:34 | 11 October 2021

Rihanna është fokusuar së fundi në menaxhimin e linjës së saj të të brendshmeve “Savage X Fenty”.

Një pjesë të mirë të veshjeve ajo i ka reklamuar vetë, duke tërhequr vëmendjen me linjat trupore.
Në fotosesionin e fundit, miliarderja shfaqet me një kostum të tejdukshëm teksa qëndron në një vend piktoresk në New York, por thotë se “pamja është ajo vetë”.

Kompanitë që mbajnë emrin e saj, e futën 32-vjeçaren në listën e miliarderëve në botë.
Sipas Forbes, pasuria e saj arrin në 1.7 miliardë dollarë, duke u bërë kështu këngëtarja më e pasur në botë dhe e dyta pas Oprah Winfrey si artistja më e pasur femër.

-Advertisement-

Pjesa më e madhe e pasurisë së saj (rreth 1.4 miliardë dollarë) vjen nga vlera e kompanisë Fenty Beauty, nga të cilat Forbes tani mund të konfirmojë se ajo zotëron 50% të aksioneve.

Pjesa tjetër llogaritet nga aksionet e saj në kompaninë e të brendshmeve, Savage x Fenty, me një vlerë prej rreth 270 milionë dollarë, dhe më pas fitimet nga karriera si muzikante dhe aktore.