Sport

Van Dijk nuk ka dyshime: Ja sulmuesi më i fortë që jam përballur

Autori: Gazeta inFokus 09:34 | 07 October 2021

Që prej 2018-ës kur u transferua te Liverpool, Virgil Van Dijk është shndërruar në një nga mbrojtësit më të fortë në botë dhe këtë e dëshmojnë jo vetëm numrat, por edhe trofetë e fituar me “The reds”.

Në një intervistë për mediat holandeze, mbrojtësi 30-vjeçar ka analizuar sulmuesit me të cilët ëshët përballur gjatë karrierës dhe natyrisht që nuk ka befasuar aspak duke zgjedhur edhe më të rrezikshmin prej tyre.

“Lionel Messi është padyshim më i vështiri për t’u përballur. Mbrëmjen që humbëm 3-0 në ‘Camp Nou’, ka qenë vërtetë shumë e vështirë ta ndalje, por për fat të mirë përmbysëm gjithçka në ndeshjen e kthimit. Ai dhe Ronaldo po tregojnë me shifra, se janë vërtetë të jashtëzakonshëm, megjithatë për mua Messi mbetet ende më i miri në botë. Një tjetër sulmues shumë i fortë e i shpejtë, është edhe Erling Haaland, që gjithsesi është ende i ri dhe ka shumë për të mësuar”, deklaroi mbrojtësi holandez.

-Advertisement-

Virgil Van Dijk u transferua te Liverpooli në verën e 2018-ës për një shifër prej 75 milionë paundësh, që ishte edhe rekord për kohën, megjithatë me paraqitjen e tij në fushë ka justifikuar çdo cent të shpenzuar për kartonin e tij.