Lajme

Kurti: Serbia reagoi me forcë për veriun, përdori tanke e aeroplanë ushtarakë

Autori: Gazeta inFokus 12:16 | 29 September 2021

Kryeministri i Kosovës, Albin Kurti ka pritur në takim gjatë ditës së sotme Presidenten e Komisionit Evropian, Ursula von der Leyen, shkruan Gazeta Infokus.

Në një konferencë për media, kryeministri i Kosovës Albin Kurti ka thënë se në takim ka njoftuar Ursula von der Leyen, se Serbia ka reaguar me forcë pas masës së reciprocitetit në targa.

“E njoftova për gjendjen në vendkalimet kufitare, Bërnjak dhe Jarinë, ne nuk kemi marrë vendim të ri, por vetëm po e zbatojmë një dakordim të mëhershëm. Fatkeqësisht, Serbia reagoi me forcë, duke përfshirë edhe tanke, automjete të blinduara e luftarake, përveç këtyre ka angazhuar aeroplanë ushtarakë të prodhimit rusë”, tha Kurti

-Advertisement-

Kryeministri ndër të tjera tha se sulmet në Zubin Potok dhe Jarinë kanë ardhur pas deklaratave të Presidentit të Serbisë, Aleksandër Vuçiq.

“Kam kërkuar të dënohen sulmet në Zubin Potok dhe Jarinë pasi janë sulmuar institucionet e Kosovës, e ky sulm erdhi pas deklaratave luftënxitëse të presidentit të Serbisë”, u shpreh Kurti. /Gazeta Infokus/

Subscribe në YouTube: GAZETA INFOKUSI