Rozë

Foto/ Angelina Jolie në lidhje me The Weeknd? Pamjet që nxitën reagime të shumta

Autori: Gazeta inFokus 10:04 | 28 September 2021

Angelina Jolie vijon të nxisë spekulimet për romancën me The Weeknd kur dolën për darkë të shtunën në Santa Monica. Nëna e gjashtë fëmijëve dhe këngëtari kanadez, kaluan dy orë e gjysmë brenda një zone private në restorantin luksoz italian Giorgio Baldi, shkruan Daily Mail.

Angelina mbërriti në restorant veçmas nga The Weeknd, por u largua me të pas darkës. Ajo pastaj hipi në pjesën e pasme të SUV-it të zi të Weeknd, ku dyshja vazhduan për në pallatin e tij Bel-Air që ka vlerë 70 milionë dollarë.

Ish-gruaja e Brad Pitt u pa e veshur me një pallto të zezë që përputheshin dhe një çantë Yves Saint Laurent. Weeknd ishte veshur me një xhaketë të zezë, xhinse të ngushta dhe çizme.

-Advertisement-

Giorgio Baldi ishte gjithashtu vendi ku çifti u shfaqën për herë të parë publikisht më 30 qershor. Më 10 korrik, Jolie dhe Weeknd u fotografuan të dy duke ndjekur të njëjtin koncert privat në Los Anxhelos.

Aktorja 46-vjeçare u paraqit për divorc nga burri i saj i tretë, Brad Pitt në vitin 2016, ndërsa këngëtari 31-vjeçar më parë kishte romancë me Selena Gomez dhe Bella Hadid.