Lajme

“Fëmijët tanë po vdesin”, prindi i nëntë vjeçares me fibrozë cistike ka një kërkesë për MSH-në

Autori: Gazeta inFokus 13:14 | 23 September 2021

Atdhe Rama, zëvendëskryetar i Shoqatës për Persona me fibrozë cistike, i cili ka treguar se edhe vajza e tij nëntë vjeçare vuan nga kjo sëmundje ka kërkuar nga Ministria e Shëndetësisë pajisjen me barna esenciale për të trajtuar këtë sëmundje.

Ai në emisionin Doktor Plus që është prodhim i Gazetës Infokus ka thënë se mungesa e barnave është një problem serioz.

“Shoqata jonë ka nevojë vetëm që me na e plotësu kushtet për jetesë për fëmijët tanë. Pra i bëjmë thirrje Ministrisë së Shëndetësisë, që të kemi barna esenciale së paku pra së paku barnat esenciale që ne si prind mos ta kemi edhe atë barrën kryesore se a do të  mund ti gjejmë barnat për fëmijët e tanë apo jo”, ka thënë ai.

-Advertisement-

E sipas tij rastet nuk janë të rralla kur fëmijët e prekur nga kjo sëmundje kanë vdekur si pasojë e mungesës së listës esenciale për trajtimin e tyre.

“Trajtimi bëhet në Klinikën e Pediatrisë në kuadër të QKUK-së, mirëpo fatkeqësisht kemi mungesë të barnave dhe jemi duke shpresuar që ky problem ka me u hek shumë shpejt. Edhe që ne me i pasë barnat në kohën e duhur sepse kjo kushton me jetë. Vitet paraprake dhe vitet e fundit kemi pasë disa vdekje të fëmijëve me këtë sëmundje e që arsyeja kryesore ka qenë mungesa e barnave. Edhe pse mjekët e kanë bërë të pamundurën që ata me qenë sot me ne por fatkeqësisht në mungesë të barnave të cilët janë me kosto shumë të lartë”, ka deklaruar zv. kryetari i kësaj shoqate.

Derisa në vend janë 100 fëmijë që vuajnë nga kjo sëmundje.

Fibroza cistike është një sëmundje gjenetike, pra një fëmijë lind me të dhe kjo gjendje e përcjell atë gjatë gjithë jetës.

Është një çrregullim i trashëguar multisistemik, që karakterizohet nga një bllokim dhe infeksion i rrugëve të frymëmarrjes, mangësi në tretje dhe nga pasojat e tyre.

Në vazhdim mund të ndiqni emisionin e plotë dhe storiet/Gazeta Infokus/ 

Subscribe në YouTube: GAZETA INFOKUSI
Etiketa:
Marsi sjell Magji në ETC
-Advertisement-

Të tjera

Fokusi

lajme