Raportuesja për Kosovën në Bashkimin Evropian, Viola Von Cramon, shpreson që zgjedhjet presidenciale që do të mbahen vitin e ardhshëm në Francë, do të sjellin progres në liberalizimin e vizave për qytetarët e vendit.

Në konferencën e organizuar nga The Balkan Forum me temën:“JO regjimit të vizave: Koha për të vendosur qytetarët në rend të parë”, Von Cramon tha se e kupton sa e irrituese është për qytetarët e Kosovës pamundësia për të udhëtuar pa përgatitur një sërë dokumantacionesh“Jam mbrojtësi më i madh për liberalizimin e vizave për Kosovën. Kjo e kuptoj që është irrituese për qytetarët. Ne jemi duke munduar që të bindim qeverinë franceze për këtë çështje. Shumë njerëz që vijnë në Kosovë kanë opinion krejtësisht ndryshe nga ata. Ne besojmë që zgjedhjet në Francë vitin e ardhshëm do të sjell një progres tjetër”.

Ndërsa, ish-ambasadorja e Kosovës në Shtetet e Bashkuara të Amerikës, Vlora Çitaku, tha se është e turpshme sesi Bashkimi Evropian nuk e ka mbajtur fjalën për liberalizimin e vizave kosovarët.“Nëse dikush do të më thoshte që edhe në vitin 2021, do të flisnin ende për vizat nuk do ta besoja. Ne i kishim plotësuar të gjitha kriteret, dhe kemi punuar shumë që të marrim rekomandimin. Kosova ende vazhdon të ketë një lidhej platonike me BE-në. Është e turpshme për BE-në pasi e ka shkel kontratën e tyre. Si mundet BE-ja të këtë kredibilitetin e njëjtë kur gjëra të tilla ndodhin. Fatkeqësisht integrimi i plotë është pothuajse i vdekur, ne ende nuk dëgjojmë askënd që flet për anëtarësimin për shtetet e Ballkanit”.

Në anën tjetër, Gerald Knaus, kryetar i Iniciativës për Stabilitet Evropian, tha se Kosova duhet të fokusohet në kërkesat e Holandës e Francës.

“Nuk ka lidhje me paragjykimet që kanë për shtetet, nëse do të ishte ashtu liberalizim të vizave nuk do të kishin shtetet e tjera të Ballkanit. Problemi është se si shtetet e vendosin një vend në listën e zezë, ndërsa dikë në të bardhën. Në këtë pjesë ne duhet të fokusohemi çka po kërkon Holanda, dhe ajo e Francës, nuk është zgjidhja të viktimizohemi pasi te gjithë e dimë që jeta nuk është e drejtë. Problemi qëndron te puna e azilit. P.sh në Francë kërkojnë azil njerëz nga Sh qipëria, Gjerogjia, dhe nëse e shikojmë kjo nuk është ilegale por është problematike. Prandaj duhet të fokusohemi cfarë të bëjmë për ta rregulluar këtë problem”.Ndërsa, ish-deputeti i Kosovës, Dukagjin Gorani, tha se problemi kryesor qëndron se Bashkimi Evropian nuk po e tregon direkt se çështja e vizave lidhet më atë të dialogut me Serbinë.

“Kjo s’ka të bëjë më çështjen e imigrantëve apo azilit. Unë nuk kam problem që nuk do të ketë viza pa u zgjidh problemi me Serbinë, por nuk kuptojë që kjo e vërtetë nuk po i tregohet Kosovës që çështja e vizave është e lidhur me çështjen e dialogut. Nëse kjo e vërtetë nuk thuhet direkt, çështja e dialogut do të prolongohet dhe kufizimi i lëvizjes do të vazhdojë. Na e dimë që Macron i ka treguar krerëve që pa u zgjidhur çështja e dialogut ai nuk mund të bëjë asgjë. Në Kosovë besojnë se çështja e vizave nuk ka të bëjë me çështjet politike por me probleme tjera siç janë çështja e religjionit, korrupsionit etj. Kjo e vërtetë duhet të tregohet”.

Diplomon gjenerata e dytë e studentëve UNIK të UNI-të me diploma të fuqizuara nga Arizona State University

Sponsoruar