Sport

Gerard Pique dëshpëron fansat e Barcelonës me deklaratën e tij pas humbjes nga Bayern Muncheni

Autori: Gazeta inFokus 23:19 | 14 September 2021

Skuadra e Barcelonës e ka nisur mbrapsht edicionin e ri të Ligës së Kampionëve, shkruan Gazeta inFokus.

‘Katalunasit’ kanë pësuar humbje para publikut të vet nga Bayern Muncheni me rezultat 3-0, në takimin e vlefshëm për fazën e grupeve të garës më prestigjioze për klube në Evropë.

Pas ndeshjes ka folur kapiteni i ‘blaugranëve’, Gerard Pique, i cili ka thënë se pavarësisht konkurrimit me ‘bavarezët’ në fund rezultati ishte shumë negativ.

-Advertisement-

“Tani për tani ne jemi ata që jemi. Tani për tani kushtet në të cilat jemi nënkupton që pavarësisht konkurrimit rezultati është shumë negativ”, tha fillimisht Pique për Movistar +.

Me pas mbrojtësi spanjoll i ka dëshpëruar fansat e Barcelonës, duke deklaruar se ky vit do të jetë i vështirë për ta.

“Do të jetë një vit i vështirë, mendoj se ky muaj është kyç, duhet të vazhdojmë me fitore në Ligë. Në Ligën e Kampionëve sot nuk kemi qenë mirë, por kemi lojëra që duhet të fitojmë”, theksoi ai.

Për fund spanjolli deklaroi se deklaroi se të marrësh një rezultat të tillë në shtëpi është shumë keq.

“Unë mendoj se rezultati është i rëndë dhe të luash në shtëpi dhe të marrë një rezultat të tillë është keq, por nëse shikoni lojën unë mendoj se në pjesën e parë ne luftuam”, përfundoi ai.

Ndeshjen e radhës në Ligën e Kampionëve, Barcelona e luan në udhëtim te Benfica./Gazeta inFokus/

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

sport