Lajme

Udhëzim nga gjinekologu për t’u vaksinuar, MSh-ja sqaron nëse u duhet shtatzënave ky dokument

Autori: H. Smajli 14:38 | 08 September 2021

Disa qendra të vaksinimit në vend po iu krijojnë probleme shtatzënave që shkojnë për t’u vaksinuar duke u kërkuar një udhëzim nga gjinekologu. Pa një udhëzim të tillë, ato nuk po vaksinohen.

Gazeta Infokus ka raportuar të mërkurën në lidhje me këtë problem për të cilin po akuzohet Ministria e Shëndetësisë për keqmenaxhim të situatës.

Ndërsa në një përgjigje për Gaztën Infokus nga MSh-ja kanë thënë se shtatzënave nuk u kërkohet një dokument i tillë.

-Advertisement-

“MSh u ka bërë thirrje grave shtatzëna që të vaksinohen. Konsultimi me gjinekologun apo me mjek që përcjell gjendjen shëndetësore e lehtëson marrjen e vendimit tek shtatzënat sigurisht dhe nuk kërkohet ndonjë udhëzim me shkrim qe shtatzënat ta kenë me vete për t’u vaksinuar”, është thënë në përgjigjen e tyre.

Mirëpo një gjë tjetër po e thotë, gjinekologu Blerim Syla, sipas të cilit ka pasë disa raste që gra shtatzëna kanë kërkuar te ai udhëzim për shkak se ky dokument po iu kërkohet në qendrat e vaksinimit.

“Edhe një problem tjetër shumë i madh pse këto gra kanë përfunduar të pavaksinuara është sepse kur shkojnë në qendrat e vaksinimit u kërkohet udhëzim nga gjinekologu. Asnjë gjinekolog nuk jep udhëzim sepse kështu nuk shkruan në protokoll. Unë i kam të njohura të paktën pesë ose 6 raste. Nuk ka nevojë që gratë shtatzëna të paraqesin një dokument sepse nuk është antibiotik, por është vaksinë dhe nuk kanë nevojë që në qendra të vaksinimit të malltretohen dhe të ofendohen. Komiteti për COVID-19 këtu është fajtor dhe duhet të dalë më udhëzime të qarta”, ka thënë Syla.

LEXO EDHE: Gratë shtatzëna nuk i vaksinojnë në qendrat e vaksinimit, MSh-ja përpiqet të shfajësohet

Kujtojmë se vetëm në muajin gusht në Klinikën e Gjinekologjisë janë trajtuar 90 gra të infektuara me COVID-19 derisa në ditët e fundit disa raste kanë përfunduar edhe me fatalitet.

Deri më tani në Kosovë nga COVID-19 kanë humbur jetën 2 mijë e 685 persona./Gazeta Infokus/

 

 

 

Subscribe në YouTube: GAZETA INFOKUSI
Etiketa:
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

lajme