Lajme

Ilir Ferati i dërgon selam Bekë Berishës: Ti nuk je as për administratë, je për sporte më të rënda

Autori: Doresa Geci 11:41 | 06 September 2021

Kandidati për kryetar të komunës së Istogut, nga radhët e Lidhjes Demokratike të Kosovës, Ilir Ferati iu ka kundërpërgjigjur kundër-kandidatit, Bekë Berishës, pasi ky i fundit tha se Feratin do ta punësojë në administratën e Komunës.

Ferati në një prononcim për Gazetën Infokus, i ka dërguar mesazhe Berishës duke i thënë se nuk ka nevojë të punësoj në administratë pasi që një postë të tillë e ka të pezulluar.

Lexo edhe:Bekë Berisha tallet me kandidatin e LDK-së: Ilir Feratin do ta punësojë në administratë

-Advertisement-

Madje sipas kandidat nga radhët e LDK-së, Berisha nuk do të ketë mundësi të fitojë komunë e Istogut.

“Ai mem punësu mu në administratë a? Kallxoi Bekës që unë në administratë e kam postin e pezulluar, nuk ka nevojë ai të më punësoj. E dyta, kallxoj Bekës që je tu garu për vend të tretë e as të dytë jo”, ka thënë Ilir Ferati duke qeshur me të madhe.

Derisa Bekë Berisha premtoi që do ta punësoj Ilir Feratin në administratë të Istogut, ky i fundit nuk ia beson asnjë postë kandidati të Aleancës për kryetar të kësaj komune.

“Në rast që fitoj unë, edhe sigurt që do ta fitojë, zotëri Bekë Berisha kam më shfrytëzu si deputet që vjen nga radhët e Komunës së Istogut, më i shty interesat e qytetarëve të Istogut në nivel nacional. Ai nuk është për administratë komunale. Ai është për sporte ma të rënda”, tha Ferati për Gazetën Infokus.

Ndryshe zgjedhjet lokale pritet të mbahen me 17 tetor të këtij vitit./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy