Gjendje alarmante: Pandemia thellon varfërinë në Kosovë
Autori: Doresa Geci 18:50 | 23 February 2021
Mbi 306 mijë qytetarë në Kosovë jetojnë vetëm me 1 euro e 82 centë në ditë.
Kurse me më pak se 1 euro e 30 centë në ditë jetojnë mbi 32 mijë qytetarë në vendin tonë, shkruan Gazeta Infokus.
Kështu bëhet e ditur në të dhënat që Gazeta Infokus ka siguruar nga Ministria e Punës dhe Mirëqenies Sociale.
Pandemia ka bërë që varfëria në Kosovë të thellohet edhe më shumë.
“Bazuar në të dhënat e Skemës Sociale, kemi një rritje të përfituesve në ndihmë sociale nga viti 2020 në vitin 2021. Një ndër shkaktarët e kësaj rritje besohet të jetë edhe Pandemia”, thuhet nga MPMS.
E kriza që ka shkaktuar Covid-19 ka bërë që në Kosovë të rritet edhe numri i familjeve të cilat kanë nevojë për ndihmën e shtetit për të mbijetuar.
Derisa në vitin 2019 numri i familjeve që shfrytëzuan ndihmën sociale ishte mbi 24 mijë familje, ndërkohë në vitin 2020 ky numër është rritur.
“Bazuar në të dhënat me periudhën e njëjtë të vitit të kaluar (dhjetor 2019), numri i shfrytëzuesve të ndihmë sociale në nivel vendi ishin: 24.352 familje, me 98.756 anëtarë të familjes, tani në dhjetor të vitit 2020 janë 25.679 familje me 103.189 anëtarë të familjes”, thuhet në përgjigjet e Ministrisë për Gazetën Infokus.
Mirëpo gjendja e rënduar ekonomike po vazhdon të përkeqësohet edhe këtë vit.
“Në Skemën e Ndihmës Sociale krahasuar fillimin e vitit 2020 dhe fillimin e vitit 2021, është vërejtur një rritje e numrit të kërkesave për të përfituar ndihmë sociale”, kanë deklaruar nga MPMS-ja.
E për këtë shtresë të shoqërisë, kryetari i Lëvizjes Vetëvendosje, Albin Kurti i cili pritet të udhëheq Qeverinë, thotë që ka një zgjidhje.
“Përafërsisht 100,000 qytetarë të Kosovës jetojnë me më pak se 1 € në ditë, që është rezultat i drejtpërdrejtë i korrupsionit dhe keqmenaxhimit. Qeverisja jonë e mirë dhe skemat tona sociale do të zhdukin varfërinë ekstreme, do të luftojnë korrupsionin dhe do të rikthejnë ndjenjën e drejtësisë në shoqërinë tonë”, ka shkruar Kurti në twitter.
Pandemia po ashtu ka ndikuar që edhe numri i të papunëve të dyfishohet krahasuar me vitin 2019.
Sipas të dhënave që Gazeta Infokus ka siguruar nga Agjencia e Punësimit, numri i të papunëve në vitin 2020 ka shkuar në mbi 168 mijë e 980 qytetarë.
Kurse numri i të papunëve në vitin 2019 ishte 70 mijë e 790 qytetarë.
Sipas Odës së Afarizmit, shteti nuk ka bërë asgjë që kjo shkallë e papunësisë të jetë më e ulët.
”Referuar pyetjeve të cilat keni dërguar, bëjmë të ditur se ne si Odë e Afarizmit të Kosovës në vazhdimësi kemi reaguar lidhur me gjendjen e vështirë ekonomike, e cila është krijuar në vend si pasojë e pandemisë dhe mungesës së ndihmës së duhur nga ana e shtetit.
Referuar hulumtimit të cilin e ka realizuar OAK del se 42.3% e bizneseve kanë deklaruar se kanë ulur numrin e punëtorëve gjatë kohës së pandemisë nga 1 deri në 5 punëtorë, përderisa vetëm 51.9 % kanë arritur të ruajnë numrin e punëtorëve. Ndërsa, asnjë nga respodentët e anketuar nuk ka deklaruar se kanë rritur numrin e punëtorëve”, ka thënë zëdhënësja e Odës së Afarizmit të Kosovës, Fjolla Smajli./Gazeta Infokus/
Të tjera
-
Kusari ‘godet’ Tërnavën: S’mundet me ia imponu Kuvendit orientimin fetar
Mimoza Kusari-Lila, shefe e Grupit Parlamentar të Lëvizjes Vetëvendosje ka fo...
-
Kusari-Lila garanton që Dejona Mihali nuk shkruan fjalime për deputetët e VV-së
Mimoza Kusari- Lila, shefe e Grupit Parlamentar të VV’së, në “Pressing” të T7...
-
Themelohet shoqata sportive e Policisë së Kosovës
Drejtori i përgjithshëm i Policisë së Kosovës, Gazmend Hoxha, ka ndërmarrë in...
-
Kryeshefi Ekzekutiv i KOSTT priti në takim, zv. Ambasadorin e Republikës Federale Gjermane
Ndër të tjera Kryeshefi informoi zv. Ambasadorin rreth përgatitjeve për imple...
-
“Call Center”, dëm 10 milion euro/ Goditet rrjeti i mashtrimeve në Europë, mbi 10 mijë raste, përfshihet edhe Kosova
Një operacion ndërkombëtar është finalizuar në datën 18 Prill 2024, në Shqipë...
-
Vuçiq: Pas votimit për Kosovën në Këshillin e Evropës, do të shohim se cilët janë miqtë e vërtetë të Serbisë
Presidenti serb Aleksandër Vuçiq tha se Asambleja e Përgjithshme e OKB-së me ...
-
Osmani e Hovenier flasin për rrugëtimin e Kosovës drejt Këshillit të Evropës
Presidentja e Kosovës, Vjosa Osmani, priti sot në takim ambasadorin e Shtetev...
-
Gjendet një person i vd ekur në Gjakovë, policia nis hetimet
Një person, identiteti i të cilit nuk është bërë i ditur, është gjetur pa she...
-
Kastrati vendos ‘delen’ mbi foltore: Qeveria po mashtron por populli nuk është dele
Deputeti i PDK-së, Ardian Kastrati, teksa kritikoi Qeverinë dhe kryeministrin...
-
E dhimbshme, Vd*es tragjikisht në vendin e punës mërgimtari 30-vjeçar nga Malisheva
Ka humbur jetën tragjikisht në vendin e punës në Belgjikë, 30-vjeçari, Arian ...
-
Kosova afër anëtarësimit për në KiE, Serwer: Beogradi mund të humbasë betejën
Profesori Daniel Serwer, i njohur për ekspertizën e tij në menaxhimin e konfl...
-
Bajrami: S’mund të thuhet që Kurti është i pakorruptuar, kur ai mbron secilin skandal në qeverinë e tij
Deputetja e LDK-së, Hykmete Bajrami kur dhe po flasin për Raportin e DASH-it ...