Lajme

Ku votohet më shumë në fshatra apo qytete?

Autori: Gazeta inFokus 09:37 | 14 February 2021

Numri i votuesve të regjistruar është më i lartë në qytete se sa në fshatra.

Diferenca mes votuesve të regjistruar në zonat urbane me votuesit e regjistruar në zonat rurale është e lartë.

Kjo vlen edhe për pjesëmarrjen në votime në ditën e zgjedhjeve, shkruan Gazeta inFokus.

-Advertisement-

Të dhënat që paraqiten në tabelën e mëposhtme tregojnë pikërisht numrin e votuesve të regjistruar në zonat urbane dhe zonat rurale si dhe për numrin e votuesve që kanë votuar të ndarë sipas këtyre zonave.

Këto të dhëna tregojnë rritje të numrit të votuesve të regjistruar dhe votuesve që kanë votuar në zonat urbane dhe rurale, që përkon me trendin e përgjithshëm të pjesëmarrjes në votime.

Përjashtim i rritjes graduale mbetet pjesëmarrja e lartë në Zgjedhjet Lokale 2013. Përveç kësaj, vërehet edhe një përjashtim në numrin e votuesve të regjistruar në Zgjedhjet për Kuvendin e Kosovës 2014 në zona urbane, ku ka pasur afër 200 votues të regjistruar më pak se sa në Zgjedhjet Lokale 2013, të mbajtura 7 muaj më herët.

Në anën tjetër, numri i votuesve të regjistruar në zona rurale për të njejtat zgjedhje është rritur me mbi 2,500 votues.

Trendet brenda votuesve që kanë votuar në zona urbane ndër zgjedhje tregojnë një rritje prej 18.90%, ndërsa trendët brenda votuesve në zona rurale tregojnë rritje prej 22.50%. Përveç numrit më të madh të votuesve të regjistruar, edhe përqindja e pjesëmarrjes në votime në zona urbane është më e lartë në krahasim me ato rurale, përveç në Zgjedhjet Lokale 2009 ku përqindja e pjesëmarrjes në të dy zonat është e përafërt. Grafi në vijim tregon përqindjet e pjesëmarrjes në votime në zona urbane dhe rurale në 6 palë zgjedhjet e fundit në nivel vendi. /Gazeta inFokus/