Familjarëve të viktimave në Vuhan u ndalohet të flasin me ekipin e OBSH-së
Autori: Gazeta inFokus 12:26 | 28 January 2021
Anëtarët e OBSH-së, që do të hetojnë origjinën e COVID-19, hypin në një autobus, pasi kanë arritur në aerportin e Vuhanit. 14 janar, 2021.
Një grup në platformën sociale WeChat, që përdorej nga 80 deri në 100 anëtarë të familjeve të viktimave, para dhjetë ditësh është fshirë pa asnjë arsyetim, tha Zhang Hai, i cili ishte anëtar i këtij grupi dhe njëherësh një kritik i zëshëm ndaj menaxhimit të pandemisë nga autoritetet kineze.
“Kjo tregon se (autoritetet kineze) janë shumë nervozë. Ata janë të frikësuar se këto familje do të kontaktojnë me ekspertët e OBSH-së”, tha Zhang, 51 vjeç, babai i së cilit vdiq më herët gjatë shfaqjes së pandemisë, nën dyshimin se ishte i infektuar me koronavirus.
Ekspertët e OBSH-së arritën në Vuhan më 14 janar dhe filluan punën më 28 janar, pasi kanë dalë nga karantina 14-ditore.
“Kur OBSH-ja erdhi në Vuhan, (autoritetet) me forcë shkatërruan (grupin). Si rezultat i kësaj, ne kemi humbur kontaktin me shumë anëtarë të grupit”, shtoi Zhang.
Një tjetër familjar ka konfirmuar se ky grup është fshirë. Platforma WeChat operon në kuadër të gjigantit digjital kinez, Tencent.
Platformat e njohura në Kinë në mënyrë sistematike censurojnë përmbajtjen që kanë doza të kritikës ndaj qeverisë.
“Melodia e njëjtë”
Familjarët e viktimave nga COVID-19 në qytetin e Vuhanit, që ndodhet në provincën Hubei, kanë akuzuar qeverinë provinciale se kanë lejuar që sëmundja COVID-19 të përhapet dhe iu doli nga kontrolli, teksa u përpoqën që ta fshihnin shpërthimin në dhjetorin e vitit 2019. Familjarët po ashtu thonë se autoritetet kanë dështuar që ta njoftojnë publikun dhe i knaë mashtruar duke u thënë se po e menaxhojnë mirë situatën.
Sipas shifrave zyrtare të Kinës, koronavirusi i ri ka vrarë pothuajse 3,900 persona në Vuhan, ndërkaq shifra totale e viktimave në Kinë është raportuar se është 4,636.
Shumë familjarë të viktimave kanë hedhur poshtë këto shifra, duke thënë se në ditët e para të shpërthimit të pandemisë nuk janë kryer testime për koronavirus, gjë që sipas tyre, nënkupton se shumë persona që kanë vdekur në atë periudhë as që janë testuar për të konfirmuar nëse kanë qenë të infektuar me virusin.
Në nivel botëror, mbi dy milionë persona kanë vdekur nga koronavirusi.
Përderisa Kina gjerësisht e ka kontrolluar pandeminë, ajo ka zemëruar shumë vende me përpjekjet e saja për të penguar hetimet e pavaruar për gjetjen e origjinës së virusit.
Në vend që të kryejë hetime mbi origjinën e virusit, Kina ka tentuar që të heqë fajin për dëmin e tmerrshëm njerëzor dhe ekonomik që është shkaktuar në gjithë botën, duke sugjeruar, pa dhënë prova, se virusi fillimisht ishte shfaqur diku tjetër.
Në ekip nga OBSH-ja më në fund u lejuan që të hyjnë në Vuhan para dy javësh.
Hetimi i tyre mbi origjinën e virusit ka filluar të enjten, më 28 janar, nën masa të rrepta sigurie.
Një tjetër familjare, vajza e së cilës vdiq nga virusi janarin e kaluar, thotë për AFP-në se javën e kaluar, autoritetet kineze e kontaktuan atë dhe e paralajmëruan që të “mos flas për mediat ose të përdorem nga të tjerët”.
Autoritetet erdhën në shtëpinë e saj gjatë kësaj jave dhe i thanë që të “luajë melodinë e vjetër dhe të njëjtë dhe më dhanë 5,000 yuan (775 dollarë) si pagesë për ngushëllim”, tha ajo, duke kërkuar që të mbetej anononime.
Qeveria e Partisë Komuniste hesht çdo zë kritik ndaj qeverisë dhe ditët e para të shpërthimit të koronavirusit vazhdojnë të jenë një nga temat më të ndjeshme sot në Kinë.
Disa familjarë të viktimave në Vuhan kanë tentuar që të ngrenë padi, duke kërkuar kompensim dhe ndëshkimin e zyrtarëve, por ata thonë se gjykatat në këtë qytet kanë refuzuar që të pranojnë rastet e tyre.
Qeveria në Vuhan nuk ka pranuar që t’i përgjigjet pyetjeve të AFP-së lidhur me kërkesat e këtyre familjeve.
Zhang u ka bërë thirrje ekspertëve të OBSH-së që të takohen me familjarët e viktimave, duke thënë se hetuesit me gjasë do të keqinformohen ose do të pengohen nga autoritetet kineze.
Ai shprehet se familjet kanë njohuri se si virusi është shpërndarë dhe këto informacione mund të ndihmojnë hetimin e OBSH-së, edhe pse ai e pranon se një takim me OBSH-së ka pak gjasa të ndodhë.
Koronavirusi i ri besohet se origjinën nga lakuriqët dhe fillimisht është përhapur në një treg në Vuhan ku shtazët e egra shiten si ushqim.
Por, për këtë teori dihet shumë pak.
Një tjetër teori, të cilën e ka përmendur vazhdimisht edhe ish-presidenti amerikan, Donald Trump, është që virusi ka dalë nga një laborator në Vuhan, ku shkencëtarët ishin duke studiuar koronavirusët.
Të tjera
-
Konjufca: Kosova meriton dhe duhet të anëtarësohet pa kushtëzime shtesë në KiE
Në rastin e shënimit të 9 Majit, Ditës së Evropës, kryetari i Kuvendit Glauk ...
-
Takohen O’Brien, Escobar dhe Lajçak, i koordinojnë strategjitë për Kosovën e Serbinë
Asistent Sekretari i Departamentit të Shtetit, Jim O’Brien, ka pritur sot në ...
-
Osmani: Kosova storie suksesi e mbështetjes së SHBA-së, Serbia po punon kundrejt gjithçkaje
Presidentja e Kosovës, Vjosa Osmani, thotë se pati një diskutim përmbajtësor ...
-
Me tupana dhe flamuj, VLEN festë të madhe edhe në Tetovë
Me tupana dhe flamuj, VLEN feston edhe në Tetovë rezultatin zgjedhor për zgj...
-
Këto janë rezultatet nga numërimi i më shumë se gjysmës së votave në zgjedhjet kuvendare në Maqedoninë e Veriut
Komisioni Shtetëror i Zgjedhjeve ka filluar me publikimin e rezultateve të pa...
-
Zyra e BE-së në Kosovë shpall “Evropianin e vitit”
Zyra e Bashkimit Evropian në Kosovë për vitin e nëntë radhazi ka ndarë çmimin...
-
Presidencialet në RMV: Siljanovska Davkova po prin ndaj Pendarovskit
Kandidatja për presidente në Republikën e Maqedonisë së Veriut, Gordana Silja...
-
BDI shpall fitoren në Tetovë
Sot në Maqedoninë e Veriut, janë mbajtur dy procese zgjedhore. Është zhvil...
-
Holtgen: Kosova nuk është në rendin e ditës së Këshillit të Ministrave të KiE
“Çështja e Kosovës nuk është në agjendën e Këshillit të Ministrave javën e ar...
-
KSHZ: Zgjedhjet ishin korrekte, rezultatet e para do të shpallen para mesnate
Komisionit Shtetëror të Zgjedhjeve në konferencën e fundit për media ka njoft...
-
Katër të lënduar në një aksident mes një veture dhe një autobusi në rrugën Fushë Kosovë-Prishtinë
Katër persona janë lënduar në një aksident trafiku të ndodhur mes një veture ...
-
Asociacioni – pritë në rrugën e Kosovës drejt KiE-së
Për t’i mbështetur përpjekjet e Kosovës për anëtarësim në Këshillin e Evropës...