Lajme

Austria prezanton qenin ushtarak që mund të nuhasë koronavirusin

Autori: Gazeta inFokus 09:59 | 15 December 2020

Ushtria austriake paraqiti qenin e parë ushtarak të stërvitur për të zbuluar virusin korona, duke nuhatur maskën mbrojtëse të të infektuarve, njoftoi sot Ministria e Mbrojtjes së Austrisë.

Në deklaratën e kësaj ministrie thuhet se qeni belg Fantasy Forever vom Seetalblick po merr pjesë në një program, që duhet të zbulojë nëse qentë mund të bëjnë dallimin midis njerëzve të shëndetshëm dhe të infektuar.

Një raport i përkohshëm mbi programin konfirmoi se qeni me të vërtetë mund të njohë maskat e njerëzve të infektuar.

-Advertisement-

“Faza e parë e kontrollit të qenit po kalon në fazën praktike,” thuhet në deklaratë.

Qeni i dytë aktualisht është duke përfunduar fazën e parë, ndërsa dy qen të tjerë do ta mësojnë këtë aftësi deri në fund të vitit. Projekti pritet të përfundojë në tremujorin e parë të vitit 2021, para së cilës të gjithë qentë do të kalojnë teste praktike në maskat e të infektuarve.

Ministria e Mbrojtjes dëshiron të bëjë një përfundim, nëse është e mundur të përdoren qen në kushte reale, për shembull në aeroporte.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy