Besnik Bislimi: Pakoja e Rimëkëmbjes Ekonomike nuk ka asnjë masë
Autori: Gazeta inFokus 19:22 | 01 December 2020
Rreth 80 për qind e grave në Kosovë nuk kontribuojnë në tregun e punës dhe gjendja e tyre është vështirësuar me përhapjen e pandemisë, për çka po kërkohet politika më serioze sociale të shtetit për 2021. Veç tjerash, po thuhet se pako e rimëkëmbjes ekonomike të ketë të definuara mirë masat që do të ndërmerren, meqë pakos së prezantuar në Kuvend po i mungojnë ato.
Kështu u tha në diskutimin e sotëm me temën “Rimëkëmbja nga viti 2020: Si të rindërtojmë ekonominë dhe politikat sociale në vitin 2021”, organizuar ngaInstituti Demokraci për Zhvillim (D4D).
Ish-ministri i Financave, Besnik Bislimi nga Lëvizja Vetëvendosje tha se pasojat e pandemisë në Kosovë kanë filluar të ndihen pak më vonë se vendet e tjera. Sipas tij, masat e para që ka ndërmarrë Qeveria Kurti, ishin për dyfishimin i ndihmave për kategoritë sociale, të cilat përfshijnë pesë për qind të popullatës.
“Në Kosovë janë diku 25 mijë familje që përfitojnë nga kjo skenë që në total i bie diku 100 mijë qytetarë apo 5 për qind e popullatës, të cilët jetojnë me më pak se 83 centë në ditë. Dhe kemi thënë se për shkak se pandemia po ndikon në rritjen enorme të çmimeve të konsumit të mallrave dhe konsumit bazik, kjo kategori nuk do ta përballojë. Rrjedhimisht do t’i ekspozohet më shumë riskut për infektim, andaj masa e parë ka qenë për 3 muaj dyfishimi i ndihmës sociale”, tha ai.
Veç tjerash, theksoi se prej masave që ka marrë kjo qeveri, janë atakuar 16 për qind e popullatës. Ai ka përmendur edhe qytetarët të cilëve iu është rrezikuar vendi i punës, e që sipas tij janë ndihmuar bizneset deri me 50 për qind, ose mbulim të pagës së punëtorëve.
Ai foli edhe për pakon e rimëkëmbjes ekonomike, për të cilën ende nuk ka marrë përkrahjen e deputetëve të Kuvendit të Kosovës.
“Projektligji nuk ka asnjë masë. Mungon pjesa e parë që tregon zotimet apo objektivat në sektorin publik. Mungon komplet segmenti që tregon se cilat masa do të jenë. Te pakoja jonë e rimëkëmbjes kanë qenë 30 masa. Mungon komplet pjesa e tretë mbi financimin e këtyre masave dhe mungon komplet pjesa e katërt që tregon kushtet. Projektligji ka një pjesë të vogël të segmentit të pestë që tregon disa masa shoqëruese. I gjithë projektligji që është në parlament për momentin thotë “ne do të ndryshojmë këtë ligj, do të ndryshojmë këtë ligj”. Mirëpo, askush nuk e di se cili është objektivi i ndryshimit të këtij projektligji dhe çfarë synohet të arrihet”, tha ai.
Bislimi foli edhe fuqizimin e grave dhe sa janë dëmtuar ato gjatë kësaj kohe, ku sipas tij ka defekte serioze në ekonominë e Kosovës. Siç tregoi ai, mbi 80 për qind e grave nuk kontribuojnë në tregun e punës. Ai theksoi se shumë gra nuk mund të punojnë për shkak se është orari strikt – tetë orë në ditë.
E ligjëruesi i Politikave Sociale, Artan Mustafa, tha se Kosova ka një sistem të paqëndrueshëm të politikave sociale, për çka theksoi se pandemia do e vështirësojë edhe më shumë.
“Kemi nevojë mbi të gjitha për informacion për implementimin e shpenzimeve social që prej fillimit të pandemisë, e të cilin e ka publikuar qeveria në 100 ditët e para të Qeverisë Kurti. Prej atëherë nuk ka asnjë informacion publik, asnjë raport as Ministria e Financave, as e Ekonomisë, as Zyra e Kryeministrit. Kjo është një papërgjegjësi e madhe publike”, tha Mustafa.
Ndërsa, drejtoresha e Institutit GAP, Nora Latifi Jashari, tha se gjendja ekonomike në Kosovë është e rëndë, sidomos për gratë pasi shumica prej tyre kanë mbetur pa punë.
“Janë mbi 25 mijë familje që marrin ndihmë sociale, e ku një e treta e këtyre bartësve janë gra. Gjendja ekonomike në Kosovë është shumë e rëndë për të gjitha shtresat, bëhet shumë më e rëndë sidomos për gratë edhe sidomos nëse janë nga grupe të margjinalizuara të shoqërisë”, tha ajo.
Në këtë diskutim u nënvizua se sektorët të cilët rrisin eksportin dhe iu japin hapësirë grave duhet të shihen me prioritet nga qeveria. Megjithatë, sipas tyre secili biznes duhet të subvencionohet, pasi që në të kundërtën bëhen dallime.
Të tjera
-
Haradinaj në Gjakovë, lavdëron punën e Ardian Gjinit
Kryetari i Aleancës për Ardhmërinë e Kosovës (AAK), Ramush Haradinaj, ka vizi...
-
Berisha pasi Kurti tha publikisht se Asociacioni është kusht për KiE: Kosova për të është instrument për planet personale
Ish-zv.ministri i Jashtëm i Kosovës, Anton Berisha ka kritikuar kryeministrin...
-
Anëtarësimi në KiE në pikëpyetje, Kurti: S’e mendonim që pengesë do të bëheshin shtetet demokratike, përkrahëse të Kosovës
Fillimisht e përmendi “votimin e fuqishëm” në Asamblenë Parlamentare të Këshi...
-
Varrosẻt Alma Arrazi gruaja që u hodh në lumin Buna me fëmijë
Është përcjellë në banesën e fundit Alma Arrazi, gruaja që u hodh në lumi...
-
Kurti bën homazhe në Saradran të Istogut: Gjaku i tyre nuk shlyhet kurrë
Kryeministri i Kosovës, Albin Kurti, mëngjesin e sotëm në 25 vjetorin e masak...
-
Pas gati tri orësh përfundon intervistimi i Hysen Durmishit në Prokurorinë Speciale
Pas gati tri orësh ka përfunduar intervistimi i zëvendësministrit të infrastr...
-
Kurti: Nuk e pranojmë kushtëzimin për anëtarësim në KiE me Asociacionin – dialogu në Bruksel, jo në Strasburg
Kryeministrin Albin Kurti ka thënë se qeveria që ai drejton ka punuar parresh...
-
Aksidenti afër konvikteve: Dy persona në gjendje të rëndë, njëri nga ta do të dërgohet në intensivë
Gjashtë persona kanë mbetur të lënduar nga një aksident që ka ndodhur sot afë...
-
E rëndë: Shqiptari i vë flakén vetes në Itali, ngjarja në sy të gruas së tij
Një 47 vjeçar shqiptar i ka vënë flakën në shenjë p...
-
Agjencia për konfiskim dhe sekuestrim kontrollon restorantin e Radoiçiqit
Agjencia për konfiskim dhe sekuestrim aktualisht ndodhet në r...
-
Osmani kujton komandant Drinin: Pas vete la një trashëgimi të patriotit të dëshmuar dhe luftëtarit të paepur
Presidentja e Kosovës, Vjosa Osmani, ka kujtuar Ekrem Rexhën, të njohur si ko...
-
Pamjet e fundit nga aksidenti i rëndë në Prishtinë, ku mbetën të lënduar 6 persona
Para disa orëve ka ndodhur një aksident i rëndë në udhëkryqin afër konvikteve...