Gripi sezonal fillon të përhapet në Kosovë, gjendja pritet të përkeqësohet në nëntor
Autori: Gazeta inFokus 07:39 | 15 October 2020
Përveç pandemisë me Covid-19, tashmë edhe gripi sezonal ka filluar të përhapet në Kosovë.
Numri i personave që po kërkojnë trajtim mjekësor për shkak të simptomave që lidhen me gripin sezonal, thuhet se është duke u rritur gjatë këtij muaji.
Doktoresha në Qendrën Kryesore të Mjekësisë Familjare në Prishtinë, Ilire Bunjaku, në një intervistë për Front Online, ka thënë se ka filluar të shtohet numri i pacientëve me simptoma të gripit sezonal që po kërkojnë ndihmë mjekësore në këtë qendër.
Ajo tha se rastet me simptoma të gripit sezonal kanë filluar të paraqiten gjatë këtij muaji, ndërsa në muajin nëntor dhe dhjetor pritet një fluks më i madh i rasteve.
“Në qendrën tonë tani kanë filluar të vijnë pacientët të cilët po kanë një simptomatologji të gripit sezonal, dhe ka filluar të shtohet numri i personave të cilët po kërkojnë ndihmë në qendrën tonë”, ka thënë ajo për Front Online.
Përderisa qytetarët po ballafaqohen edhe me virusin Covid-19, Bunjaku ka thënë se simptomat e këtyre dy viruseve janë pothuajse të ngjashme.
Ajo është shprehur se personat që kanë simptoma më të lehta i trajtojnë ata, ndërsa personat me komplikime i referojnë në klinikat e Qendrës Klinike Universitare të Kosovës.
“Simptomatologjia është pak e përzier dhe e ngjashme në njëfarë forme. Në disa dallon, por në disa derisa është virus i ri nuk kemi aq njohuri, mirëpo kanë kaluar gati 7 muaj që e kemi krijuar një përvojë dhe mirë po ja dalim”, ka thënë ajo tutje për Front Online.
S’ka furnizim me vaksina në QKMF
Derisa vaksinimi i qytetarëve vlerësohet tejet i rëndësishëm për tu mbrojtur nga gripi sezonal, Qendra Kryesore e Mjekësisë Familjare në Prishtinë vazhdon të mos furnizohet me vaksina.
Doktoresha Bunjaku ka thënë se nuk kanë informacione të sakta se kur do të furnizohen me vaksina.
“Për momentin nuk kemi vaksina në qendrën tonë, mirëpo presim që brenda muajit, apo në muajin e ardhshëm të furnizohemi, por s’kemi informacion të saktë se kur do të vijnë”, ka deklaruar ajo për Front Online.
Përndryshe, ajo është shprehur se si staf shëndetësorë janë të pajisur me të gjitha masat mbrojtëse, dhe se mund ta menaxhojnë situatën.
Simptomat e gripit sezonal dhe personat më të rrezikuar nga ai
Temperatura, vjedhja e barkëqitja, janë vetëm disa nga simptomat e gripit sezonal që paraqiten te pacientët.
Këto simptoma janë të njëjta edhe për virusin Covid-19.
Doktoresha familjare, Ilire Bunjaku ka thënë për Front Online se qytetarët me grip sezonal kanë simptomat e njëjta vit pas viti.
“Simptomat e tyre janë zakonisht rrjedhje të hundëve, dhimbje të fytit, plogështi e dhembje të muskujve. Ata kanë edhe simptoma shoqëruese me barkëqitje, vjedhje, temperaturë. Do të thotë është një simptomatologji që e karakterizon çdo vit gripin sezonal”, ka thënë ajo.
Ndërsa, sipas saj, personat më të rrezikuar nga gripi sezonal janë personat me sëmundje kronike, personat me sëmundje të zemrës, fëmijët e gratë shtatzëna.
“Personat më të rrezikuar janë fëmijët nën 5 vjeç, gratë shtatzëna, personat të cilët kanë imunitet më të dobët, personat me sëmundje kronike, me sëmundje të zemrës, mushkërive, veshkave dhe me sëmundje metabolike”, ka thënë ajo.
Bunjaku ka këshilluar qytetarët që sa më shumë të mbajnë higjienën personale e të mos frekuentojnë vendet e mbyllura.
“Nuk e kemi një grip që vetëm tani paraqitet, por e kemi edhe viteve tjera, pra duhet sa më tepër higjiena personale, larja më e shpeshtë e duarve me sapunë apo dezinfektues, e cila mund të zgjat 20 sekonda. Kollitja e teshtitja të bëhet nëpër faculeta dhe ajo faculetë të hedhet në mbeturina. Të mos frekuentohen ambientet e mbyllura dhe të bëhet ajrosja më e shpeshtë e ambientit”, ka shtuar ajo.
Të tjera
-
“Më nuk besoj në drejtësi…” Babai i Triumf Rizës i pakënaqur me dënimin prej 25 viteve burgim për Enver Sekiraqën
Me vendim të Gjykatës Themelore në Prishtinë, Enver Sekiraqa është dënuar me ...
-
Ky është arsyetimi absurd i qeverisë për raportin ku Kosova renditet 19 vende më poshtë në indeksin e lirisë së medias
Zëdhënësi i zyrës së kryeministrit Albin Kurti, Përparim Kryeziu ka reaguar ...
-
Enver Sekiraqa dënohet me 25 vite burgim për nxitjen e vrasjes së Triumf Rizës
Enver Sekiraqa është dënuar me 25 vite burgim për nxitjen e vrasjes së ish-po...
-
Dënohet me 24 vite burgim i akuzuari për dhünimin e një 14 vjeçareje në Prizren
Gjykata Themelore në Prishtinë ka dënuar të akuzuarin E.G me 24 vite burgim p...
-
LDK: Rënia në indeksin e lirisë së shtypit një alarm që duhet të na mobilizojë të gjithëve
Pas rënies për 19 vende të Kosovës në Indeksin vjetor për lirinë e shtypit të...
-
Ambasada amerikane: Një demokraci e fortë inkurajon një shtyp të lirë
Në Ditën Botërore të Lirisë së Shtypit, ambasada amerikane në Prishtinë thotë...
-
Krasniqi pas raportit të RFS-së: Qeveria ta ndërpresë cenimin dhe përndjekjen e gazetarëve dhe mediave të lira
Kryetari i PDK-së, Memli Krasniqi, në Ditën Botërore të Lirisë së Shtypit ka ...
-
Lirohet nga akuza për vra*je në tentativë, rasti kishte ndodhur në vitin 2000
Gjykata Themelore në Gjakovë e ka liruar Sheremet Bajramin nga akuza për vras...
-
Ramush Haradinaj: Qëndrojmë krah medias
Kryetari i Aleancës për Ardhmërinë e Kosovës, Ramush Haradinaj, ka reagura pa...
-
Këshilli i Mediave të Shkruara i shqetësuar me regresin e Kosovës në indeksin e Reporterëve pa Kufij
Këshilli i Mediave të Shkruara të Kosovës ka reaguar për regresin e Kosovës n...
-
Regresi në lirinë e mediave, Rohde: Rënie alarmante, mediat duhet të mbrohen e jo të kontrollohen
Kosova ka rënë për 19 vende në Indeksin vjetor për lirinë e shtypit të organi...
-
Kërkesa e kahmotshme: Komuna e Zveçanit siguron transport për nxënësit
Komuna e Zveçanit ka siguruar transport për nxënësit e arsimit fillor dhe të ...