Rozë

Kanye West urinon mbi kupën e Grammy (VIDEO)

Autori: Gazeta inFokus 12:13 | 17 September 2020

Reperi i famshëm, Kanye West, duket se nuk është aspak i kënaqur me industrinë e muzikës. E për ta vërtetuar një gjë të tillë, ai realizoi një video të çuditshme që askush nuk e priste.

Një ditë më parë, 43-vjeçaeri publikoi në rrjetet sociale disa postime të shumta në lidhje me të drejtat e autorësisë së muzikës dhe kontratat e regjistrimit. Më pas ai postoi edhe një video ku shfaqej teksa urinonte në një nga kupat e tij të çmimeve “Grammy”.

“Më besoni … Nuk do të ndaloj”, shkruante West krahas videos që i habiti fansat e tij të shumtë. Kujtojmë se reperi së fundmi ka bërë postime të ndryshme ku kritikon industrinë e muzikës – të cilës ai iu referua, së bashku me NBA, si “anije moderne e skllevërve”.

-Advertisement-

“Kur nënshkruani një kontratë muzikore, ju nënshkruani të drejtat tuaja”. “Pa mjeshtrit nuk mund të bësh asgjë me muzikën tënde. Dikush tjetër kontrollon se ku luhet dhe kur luhet. Artistët nuk kanë asgjë përveç famës, turneut dhe tregtisë”, shkruante reperi i famshëm në postimet e tij.

Madje 43-vjeçari u shpreh se i thoshte këto fjalë, pasi ai ishte personi i vetëm që mund ta bënte një gjë të tillë, sepse ka bërë shumë miliarda jashtë muzikës dhe asnjë muzikant nuk bën miliarda me muzikën. Ai premtoi se “do ta ndryshojë këtë”.

Kanye West foli gjithashtu edhe për kontratat e tij me “Universal Music Group” dhe tha se nuk ka një të tillë por 10, dhe se kjo kompani po përpiqet ta varrosë të gjallë. Ai kërkoi ndihmën e çdo avokati në botë për t’i parë ato kontrata.