Bajrami: Rreth 200 milionë euro priten të futen në treg përmes fondit pensional –
Autori: Gazeta inFokus 18:54 | 14 August 2020
Ministrja e Financave, Hykmete Bajrami ka kërkuar mbështetjen e deputetëve të Kosovës për votimin e projektligjit për rimëkëmbjen ekonomike. Sipas saj, zhvillimi ekonomik është afektuar pas shfaqjes së pandemisë COVID-19, derisa bëri të ditur që 100 milionë euro që vijnë nga Fondi Kosovar i Privatizimit do të shfrytëzohen kryesisht për sektorin privat, në mënyrë që të ndihmohen të gjitha ndërmarrjet për rimëkëmbje ekonomike.
Bajrami tha se ky projektligj parasheh plotësimin dhe ndryshimin e disa ligjeve, me qëllim të arritjes së objektivave për rimëkëmbje ekonomike.
Bajrami: Të lëshohet garanci kreditore me kredi për destinim për zhvillimin e bizneseve për fermerët
“Ashtu siç është prezantuar edhe gjatë procesit të konsultimeve, ky projektligj parasheh plotësimin dhe ndryshimin e disa ligjeve, me qëllim të arritjes së objektivave për rimëkëmbje ekonomike si në vijim: Nëpërmjet ndryshimit të ligjit 05L057 për themelimin e fondit kosovar për garanci kreditore synohet krijimi i kompetencave shtesë ligjore për fondin që të plasojë skena dhe produkte të reja, të rrit përqindjen e mbulesës deri në 80 për qind për garancitë kreditore të lëshuara të cilat me ligjin aktual mbulohen deri 50 për qind. Të lëshojë garanci kreditore me kredi për destinim për zhvillimin e bizneseve por edhe për fermerët të cilët nuk janë të regjistruar në Agjencinë për Regjistrim të Bizneseve pranë Ministrisë së Tregtisë dhe Industrisë”, tha ajo.
Me këtë projektligj, Bajrami tha se Qeveria e Kosovës autorizohet që të mbulojë tarifat të cilat i ngarkon fondi për shërbime të cilat ata iu afrojnë institucioneve financiare.
Këto ndryshime sipas saj do të lehtësojnë barrën e bizneseve gjatë procesit të rimëkëmbjes ekonomike.
10 përqindëshi që do ta tërheqin nga kursimet e tyre qytetarët, Bajrami tha se nuk do të tatimohet në bazë të Ligjit të të Ardhurave Personale.
Bajrami: Janë diku 200 milionë euro që priten të futen në treg përmes fondit pensional
“Gjithashtu ligji parasheh edhe ndryshimin e ligjit 04L101 për fondet pensionale të Kosovës. Ku autorizohet fondi pensional dhe fondet e tjera pensionale që nga hyrja në fuqi e këtij ligji, që t’iu mundësohet qytetarëve të Kosovës tërheqjen e 10 për qind të kursimeve të tyre nga Trusti. Kjo është parë si masë për rritjen e kërkesës agregate në treg. Janë diku rreth 200 milionë euro të cilat priten të futen në treg përmes këtij mekanizmi. Gjithashtu ndryshim tjetër është ndryshimi i ligjit 05L037 për tatimin mbi vlerën e shtuar, ku reduktohet norma e TVSh-së prej 18 në 8 për qind për furnizimin e hoteleve, restoranteve, shërbimet e ushqimit. Si dhe lirohen nga norma e TVSh-së, transaksionet e sigurimit dhe ri-sigurimit në bujqësi për polisat e sigurimeve bujqësore dhe për kulturat bujqësore. Nëpërmjet këtyre ndryshimeve planifikohen të krijohen lehtësira për sektorin e hotelerisë, restorantave dhe shërbimeve të ushqimit. Si dhe të hiqet barra e TVSh-së në sigurim dhe ri-sigurim për kulturat bujqësore”, u shpreh ai.
Ministrja e Financave, Hykmete Bajrami tha se 100 milionë euro që vijnë nga Fondi Kosovar i Privatizimit do të shfrytëzohen kryesisht për sektorin privat, në mënyrë që të ndihmohen të gjitha ndërmarrjet për rimëkëmbje ekonomike.
Bajrami: Ju bëjë thirrje që t’i jepni mbështetje këtij ligji
“Duke parë që sektori privat është në një gjendje tepër të vështirë për shkak të situatës pandemike, dhe se pasojat e pandemisë janë të pa parashikueshme. Unë ju bëjë thirrje në emër të Qeverisë së Kosovës që t’i jepni një mbështetje këtij ligji”, ka shtuar ajo.
Të tjera
-
Ngjarjet e datës 8 maj
Kryeministri i Republikës së Kosovës, Albin Kurti, në 25-vjetorin e masakrës ...
-
Gazetarja Ardiana Thaçi Mehmeti cak i sulm*eve në grupin Albkings
Asociacioni i Gazetarëve të Kosovës me shqetësim të thellë i ka përcjellë rap...
-
Scholz: Siguria dhe stabiliteti i Ballkanit Perëndimor nuk duhet të merren si të mirëqena
Siguria dhe stabiliteti i shteteve të Ballkanit Perëndimor nuk mund të merren...
-
Hamiti: Imazhi i Kosovës më i keqi në historinë e vendit, ky është ndryshimi që bënë Vetëvendosje e Guxo
Muhamet Hamiti, anëtar i kryesisë së Lidhjes Demokratike të Kosovës (LDK)...
-
Lajçaku takon asistentin special të Bidenit, flasin për raportet BE-SHBA
I dërguari Special i Bashkimit Evropian për dialogun Kosovë-Serbi, Miroslav L...
-
Ndahet nga jeta infermieri dhe veterani i UÇK-së
Ish-veterani i Ushtrisë Çlirimtare të Kosovës dhe infermieri Skender Hoti, ng...
-
Behrami: Kurti është mjeshtër i manipulimit publik, krejt ka me i pranu
Sipas analistit Artan Behrami, kryeministri Albin Kurti është “mjështër i man...
-
Tubimi me rininë në Prishtinë, Abdixhiku përmend zgjedhjet: LDK e mobilizuar, e fortë përballë secilës betejë
Kreu i LDK-së, Lumir Abdixhiku, thotë se partia që ai udhëheq është e g...
-
Osmani tregon për takimet në Samitin e Biznesit SHBA-Afrikë: Mundësi e vlefshme për të nxitur më shumë bashkëpunim
Presidentja e Kosovës, Vjosa Osmani, ka marrë pjesë në Samitin e Biznesit SHB...
-
Maqedonci: Serbia po vazhdon me qasje agresore ndaj Kosovës
Ministri i Mbrojtjes i Kosovës, Ejup Maqedonci, duke folur në panelin “Mision...
-
Kurti: Dragashi dhe Graçanica janë përzgjedhur për të përfituar nga procesi i zvogëlimit të barrës administrative
Kryeministri i Kosovës, Albin Kurti, ka bërë të ditur se Dragashi dhe Graçani...
-
LDK: Keqardhje për këtë Qeveri që ka degraduar marrëdhëniet me ndërkombëtarët
Kryesia e Lidhjes Demokratike të Kosovës ka mbajtur sot mbledhjen e saj t...