Ekonomi

Albin Kurti e ministrja Hajdari vizitojnë prodhuesit në Lipjan

Autori: Gazeta inFokus 14:05 | 06 May 2020

Klubi i Prodhuesve të Kosovë, ka njoftuar që bashkë me kryeministrin në detyrë, Albin Kurtin dhe ministren në detyrë të Tregtisë, Rozeta Hajdarin kanë vizituar prodhues në qytetin e Lipjanit.

“Klubi i Prodhuesve të Kosovës sot organizoi një vizitë për kryeministrin në detyrë Albin Kurti dhe ministren në detyrë Rozeta Hajdari nga Ministria e Ekonomisë, Punës, Tregtisë, Industrisë, Ndërmarrësisë dhe Investimeve Strategjike, tek dy prodhues në komunën e Lipjanit. Kësaj radhe në vizitë ishin tek kompania e prodhimit të letrës së lagur Happy – Ëet Ëipes Factory dhe tek kompania e përpunimit të drurit ELNOR”, thuhet në një njoftim të Klubit të Prodhuesve të Kosovës.

Ndërsa shtojnë që Kurti bashkë me Hajdarin u njoftuan nga afër për sfidat që kanë këta prodhues sidomos gjatë kësaj kohe, shkruan gazeta inFokus.

-Advertisement-

“Kryeministri Kurti së bashku me ministren Hajdari, u njoftua nga afër për sfidat që këta prodhues po përballen gjatë kësaj kohe dhe shprehen gadishmëri që të jenë më afër prodhuesve gjatë kësaj kohe. Po ashtu edhe prodhuesit vlerësuan viziten dhe kërkuan që përkrahja e ardhshme e qeverisë të jetë më e fortë dhe këkruan që zëri i pordhuesve të ndëgjohet në marrjen e vendimeve të cilat i prekin ata. Ata u shprehën që pakjo e ardhshme të jetë një shtytje që do të rimëkëbete sektorin e prodhimit.

Gjatë këtyre vizitave, drejtori ekzekutiv i Klubit të Prodhuesve, Astrit Panxha kërkoi nga kryeministri në detyrë Kurti që të ndryshoi ligjin për prokurorim publik. Ai edhe një herë u shpreh që ekonomia e vendit tonë do të fuqizohet vetëm atëherë kur prodhuesit do të vlerësohen për punën e tyre dhe qytetarër dhe institucionet do të përkrahin prodhuesit duke blerë prodhime Made in Kosova”./Gazeta inFokus/