Lifestyle

Zyrtarisht, Pentagoni publikon 3 video UFO-sh

Autori: Gazeta inFokus 11:35 | 28 April 2020

Së pari ju kujtojmë se UFO (Unidentified Flying Object) është një objekt fluturues i paidentifikuar.

Të hënën, Pentagoni publikoi tre video të pilotëve të Marinës Amerikane, të cilët vënë re objekte fluturuese të paidentifikuara, shkruan “The Guardian”.

Pentagoni, selia e Departamentit të Mbrojtjes së Shteteve të Bashkuara i përshkruan objektet si “fenomene ajrore të pashpjegueshme”.

-Advertisement-

“Pamjet u publikuan për të qartësuar çdo ide të gabuar që qarkullon dhe për të sqaruar nëse videot qenë të vërteta ose jo,” thuhet në deklaratën e faqes së Departamentit të Mbrotjes.

Duhet thënë se për herë të parë, videot u publikuan nga New York Times në 2017-n dhe tregojnë objekte që lëvizin me shpejtësi të çuditshme. Dy video i përkasin vitit 2015 dhe tregojnë objekte të çuditshme në ajër, ndërsa një nga videot tregon një incident në vitin 2004, ku pilotët e Marinës u ndeshën me një objekt 40 metra të gjatë që qëndronte rreth 50 metra mbi ujë.