Lajme

75 vjet nga publikimi i planit për NATO-n

Autori: Gazeta inFokus 07:27 | 18 March 2024

Më 18 mars 1949, Shtetet e Bashkuara dhe aleatët e tyre evropianë bënë të njohur planet e tyre për një aleancë, që e quajtën Organizata e Traktatit të Atlantikut Verior – NATO.

Aleatët theksuan se qëllimi i tyre ishte ruajtja e paqes dhe e sigurisë. Ata u dakorduan që një sulm i armatosur kundër cilitdo prej anëtarëve të NATO-s do të konsiderohej si sulm kundër të gjithë atyre.

Kundërshtarët e kësaj ideje theksuan se traktati do ta kthente Evropën në një kamp të armatosur, që mund të ndizte konfliktin e armatosur me Bashkimin Sovjetik dhe aleatët e tij evropiano-lindorë.

-Advertisement-

Një nga kryearkitektët e Aleancës së Atlantikut, sekretari amerikan i Shtetit, Dean Acheson, iu përgjigj këtyre ankesave duke deklaruar se vetëm me anë të forcës ushtarake, aleatët perëndimorë mund të ruanin paqen.

Subscribe në YouTube: GAZETA INFOKUSI