5 shenja që tregojnë se po kaloni shumë kohë para ekraneve të paisjeve elektronike
Autori: Gazeta inFokus 07:28 | 25 November 2022
Meqenëse pajisjet elektronike janë bërë shtyllat kryesore në jetën tonë të përditshme, veçanërisht në punë, lodhja e syve është diçka me të cilën po përballen gjithnjë e më shumë njerëz.
Në ditët e sotme teknologjia shpesh zë pjesën më të madhe të ditës, sytë tanë janë të fiksuar në ekranet përpara nesh. Por me një përdorim të tillë rutinë, sytë dhe trupi mund të fillojnë të ndjejnë efektet negative.
Sipas ekspertëve të shëndetit, të qëndrosh për më shumë se një orë para ekranit, konsiderohet si një kohë shumë e gjatë.
Nëse e teproni, trupi juaj do t’ju japë disa sinjale që tregojnë që duhet të ndaloni dhe të bëni një pushim.
AgroWeb.org ju njeh më poshtë me shenjat që trupi jep në këto raste, me qëllim që të jeni më të vetëdijshëm rreth shëndetit tuaj.
Simptomat e zakonshme të kohës së tepërt para ekranit
Simptomat mund të ndryshojnë nga personi në person, por zakonisht shfaqen si:
Djegie e syve
Arsyeja se përse sytë fillojë të djegin pas një kohe të gjatë në ekran, është se ju nuk i mbyllni sytë aq shpesh sa duhet. Prandaj këshillohet që të merrni pushime të shkurtra gjatë punës në ekran dhe të mabni sytë mbyllur për disa sekonda.
Lotim i syve
Kur shikoni ekranet e pajisjeve tuaja për periudha të gjata kohore, sytë lodhen dhe si rezultat të fillojnë të lotojnë. Ngjashëm me ndjesinë e djegies, lotimi i syve mund të ndodhë edhe kur nuk i mbyllni sytë mjaftueshëm.
Dhimbje koke dhe trupi
Shumë njerëz raportojnë një dhimbje të lehtë mbi vetullat e tyre ose dhimbje koke. Nëse punoni para një kompjuteri, mund të ndjeni siklet në qafë dhe në shpinë, e kjo nga qëndrimi juaj i gabuar.
Probleme me fokusimin
Në secilin prej syve, ne kemi gjashtë muskuj që punojnë së bashku për të kontrolluar lëvizjet e syve, që përfshin shikimin për afër dhe larg.
Kur përqendroheni në një distancë të afërt dhe fikse për një kohë të gjatë, muskujt e syve tuaj do të fillojnë të punojnë më shumë.
Më pas kur shkëputeni nga ekrani, ju mund të ndiheni sikur ju duhet më shumë kohë për t’u fokusuar.
Objektet e largëta mund të duken të paqarta për një kohë të shkurtër.
Privim i gjumit
Sipas ekspertëve, drita blu e emetuar nga telefoni dhe laptopi juaj mund ta bëjë më të vështirë të bini në gjumë. Për këtë arsye këshillohet që të paktën një orë para gjumit të shkëputeni prej tyre.
Si të shmangni efektet e padëshiruara të kohës së tepërt para ekranit
Fatmirësisht, nëse jeni duke përjetuar ndonjë nga simptomat e mësipërme, ju mund t’i shmangni ato nëse ndryshoni mënyrën se si ndërveproni me pajisjet tuaja.
Filloni me këtë praktikë: Çdo 20 minuta, shikoni të paktën në 20 metra në largësi, për 20 sekonda.
Kjo i lejon muskujt e syve të relaksohen dhe të mos qëndrojnë të kontraktuar.
Metodë ka edhe përfitime të tjera. Ju do të jeni në gjendje të shtrini shpinën dhe qafën dhe thjesht t’u jepni syve një moment për të pushuar.
AgroWeb.org sugjeron gjithashtu t’i largoni pajisjet tuaja sa më larg nga fytyra, në mënyrë që të mos jenë shumë afër ekranit.
Është gjithashtu e rëndësishme të zvogëloni plotësisht kohën para ekranit. Dhe nëse ende nuk mund të gjeni lehtësim, kontaktoni një mjek okulist.
Të tjera
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...
-
Hoxhaj: Qytetarët që menduan se me Kurtin vjen ndryshimi, ta korrigjojnë atë – ta shohin PDK-në si adresë politike
Nënkryetari i kuvendit nga radhët e PDK-së, Enver Hoxhaj, ka thënë se nëse qy...
-
Gjeneral Jashari: FSK mbështet Ukrainën në përballje me agresionin e Rusisë
Komandanti i Forcës së Sigurisë së Kosovës, gjenerallejtënant Bashkim Jashari...
-
Kurti pritet nga Baerbock, kërkon mbështetjen gjermane deri në anëtarësimin e Kosovës në KiE
Kryeministri i Kosovës, Albin Kurti, është pritur në takim nga Ministrja e Ja...
-
Dalja e shqiptarëve në zgjedhje në Maqedoninë e Veriut shënon rënie
Dalja e shqiptarëve në zgjedhjet presidenciale të 24 prillit në Maqedoninë e ...