Lajme

24 vjet nga masakra në Studime të Vushtrrisë, Haradinaj: Plagët e popullit tonë janë ende të freskëta

Autori: Gazeta inFokus 10:21 | 02 May 2023

Janë bërë 24 vjet nga masakra në Studime të Vushtrrisë nga forcat policore të Serbisë, ndërsa në këtë përvjetor kryetari i Aleancës për Ardhmërinë e Kosovës, Ramush Haradinaj thekson se plagët e popullit ende janë të freskëta.

Haradinaj thekson se nuk do të ndalen deri sa të dalin para drejtësisë autorët e krimeve.

“Plagët e popullit tonë janë ende të freskëta dhe nuk mund të mbyllen pa u ndëshkuar të gjitha krimet!

-Advertisement-

Në 24-vjetorin e rënies, kujtojmë dhe nderojmë me përulje martirët e masakrës së Studimes së Vushtrrisë, që ranë për këtë tokë duke u shndërruar në gurë themeltar të lirisë së vendit tonë. Ata u vranë vetëm pse ishin shqiptarë, vetëm pse aspironin lirinë e vendit.

Nuk do të ndalemi deri sa të dalin para drejtësisë autorët e krimeve.

Lavdi e përjetshme të gjithë të rënëve për lirinë e Kosovës”, shkruan Haradinaj. 

Subscribe në YouTube: GAZETA INFOKUSI
Etiketa:
Çka do të thotë të gatuash shqip?
-Advertisement-

Të tjera

Fokusi

lajme