Një nënë e lindur me dy mitra ka mirëpritur binjakët, duke ngjizur njërin fëmijë përmes IVF në njërën mitër dhe tjetrin në mënyrë natyrale në mitrën tjetër.

Madeline Kaklikos, 24 vjeç, dhe bashkëshorti i saj, Jon, 27 vjeç, mirëpritën djemtë e tyre binjakë Cole dhe Nate, në shkurt pas dhjetë raundeve të trajtimit të fertilitetit gjatë tre viteve.

Mjekët e përshkruan rastin e Madeline si 1 në 50 milionë, për faktin se të dy u konceptuan duke përdorur metoda të ndryshme dhe secila u zhvillua në një mitër të ndryshëm.

Madeline nga Melburni, Australi e cila ka lindur me dy mitra, zbuloi se ka këtë gjendje të rrallë kongjenitale të quajtur didelfis uterine, kur ajo dhe burri i saj po tentonin të ngjisnin një fëmijë në 2020, por pa sukses.

Pasi menduan se nuk do të bënin dot kurrë fëmijë, Madeline dhe John u tronditën.

“Pas dhjetë raundeve të trajtimit të fertilitetit dhe vitesh përpjekjesh për të mbetur shtatzënë, nuk na kishte shkuar kurrë në mendje se do të mbetesha shtatzënë natyrshëm gjatë kryerjes së IVF-së.

“Unë tashmë isha diagnostikuar me PCOS në vitin 2017, kur isha 18 vjeç, dhe e dija se do të ishte e vështirë të mbetesha shtatzënë. Megjithatë, gjatë një ekografie, u zbulua se unë në fakt kam dy mitra dhe u diagnostikova me didelfis uterine (UD)”, u shpreh Madeline.

Mjekët i sugjeruan çiftit të provonin IVF dhe dy embrione u implantuan në ‘mitrën më të aksesueshme’ të Madeline, por për fat të keq nuk e pranuan.

“Ne vazhduam të përpiqeshim, por në kohën kur bëra raundin e tetë, isha e frikësuar se nuk do të kishim kurrë një fëmijë. Ishte një kohë e errët dhe unë me të vërtetë luftova për të gjetur shpresën”, u shpreh ajo.

Disa muaj më vonë, koleksioni i ardhshëm i vezëve ishte në gjendje të bënte 11 embrione, dhe në qershor të vitit të kaluar dyshja morën lajmin e shtatzënisë.

“Unë isha me Jonin, prindërit dhe vëllain tim, në momentin e telefonatës, dhe të gjithë shpërthyem në britma dhe lotët na rridhnin në fytyrë ndërsa u përqafuam”, tha Madeline.

Ishte në skanimin 10-javor që Madeline mësoi se po priste binjakë, me një fëmijë të dytë spontan në mitrën e dytë.

“Joni dhe unë e shikuam njëri-tjetrin me mosbesim të plotë. Mjekët na shpjeguan se shanset për të pasur një fëmijë në njërën mitër dhe një të dytë në tjetrën ishin një në 50 milionë. Ne gjithashtu kuptuam se ata ishin konceptuar në periudha të ndryshme dhe në mënyra të ndryshme. Njëra binjake u ngjiz me IVF dhe tjetra u ngjiz natyrshëm”, ka treguar Madeline.

Meqenëse shtatzënia u klasifikua si me rrezik të lartë, Madeline ishte nën monitorim të vazhdueshëm dhe iu ofrua një prerje cezariane e planifikuar pasi gjendja e saj e bënte të pamundur një lindje natyrale.

Madeline solli në jetë binjakët e saj më 20 shkurt në javën e 34.

EURO 2024 dhe Serie A, dy ekskluzivitetet absolute të Artmotion këtë vit

Sponsoruar