Lajme

2 muaj nga vrạsja e Martin Canit, prindërit e tij duan drejtësi: Heshtja vrẹt më shumë

Autori: Gazeta inFokus 12:58 | 18 January 2025

Kur këtë të premte bëhen dy muaj nga vdekja e Martin Canit, u zhvillua një protestë pranë shkollës së tij “Fan Noli”, aty ku ai u godit me thikë nga një bashkëmoshatar.

Gjatë protestës, ishin të pranishëm edhe prindërit e Martinit, të cilët shprehën shqetësimin se ende nuk është bërë drejtësi për vrasjen e djalit të tyre, shkruan euronews.al.

“Heshtja vret më shumë. Nuk kemi marrë asnjë informacion, nuk ka pasur ndonjë grup kriminal të përfshirë, dhe mund të ishte zbardhur për tre ditë. Nuk kemi asnjë reagim nga shkolla. Kur kërkuam rregulloren e brendshme, na thanë se e dërguan në Prokurori,” tha babai i Martinit.

-Advertisement-

“Ne duam vetëm drejtësi,” tha nëna e Martinit, duke shtuar se askush nga shkolla nuk ka komunikuar me ta ose i ka informuar për situatën.

Protestuesit kërkuan zbardhjen e ngjarjes dhe dënimin e autorëve me thirrjet; “Ende nuk ka drejtësi për Martinin” ndërsa në përkujtim të tij u ndezën qirinj.

Pasi qëndruan aty të pranishmit së bashku me prindërit e Martinit filluan marshimin nga shkolla drejt Ministrisë së Arsimit me thirrjet “Drejtësi për Martinin”. Përkrah familjarëve të Martin Canit në protestë ishte dhe shoku i tij Luis Meçja që mbeti i plagosur pasi shkoi ti vinte në ndihmë Martinit.

Vrasja e 14-vjeçarit, Martin Cani ndodhi më 18 nëntor 2024 pas një përleshjeje pranë shkollës “Fan Noli”.

Subscribe në YouTube: GAZETA INFOKUSI
GP Aviation dhe PrishtinaTicket me fluturime direkte dy herë në javë drejt Parisit!
-Advertisement-

Të tjera

Fokusi

lajme