Lajme

1000 euro për studentët përfitues, ministri Krasniqi ka një lajm të mirë për komunitetet

Autori: Gazeta inFokus 15:26 | 18 November 2022

Ministri i Administrimit të Pushtetit Lokal, Elbert Krasniqi ka thënë se është hapur thirrja për bursa për studentët e komuniteteve.

Shuma maksimale e bursës do të jetë deri në 1,000€ për studentët përfitues, ndërsa konkursi do të jetë i hapur për 15 ditë.

“Pas nënshkrimit të marrëveshjes me Ministren e Arsimit, Arbërie Nagavcin, është hapur thirrja për përfitimin e bursave për 100 studentë nga radhët e komuniteteve Ashkali, Egjiptian dhe Rom, fillimisht kjo thirrje është destinuar për Fakultetin e Edukimit, mirëpo për arsyje të numrit të ulët të aplikuesve, tashmë thirrja është për të gjitha drejtimet në të gjitha universitetet publike.

-Advertisement-

Qeveria jonë është e përkushtuar që përmes bursave dhe mekanizmave të tjerë të fuqizojë gjeneratat e reja të edukatorëve dhe mësimdhënësve nga radhët e komuniteteve.
Konkursi do të jetë i hapur 15 ditë, nga data 18.11.2022 deri më 02.12.2022, në ora 16:00. Shuma maksimale e bursës do të jetë deri në 1,000€ për studentët përfitues.
Aplikimi bëhet përmes platformës E-Kosova” shkruan Krasniqi në njoftim.

Subscribe në YouTube: GAZETA INFOKUSI