Sport

? Vitali tregon fajtorin për humbjen e Wladimir Klitschko

Autori: Gazeta inFokus 17:48 | 09 June 2017

Ish-kampioni i botës në peshat e rënda, Vitali Klitschko, vëllai i Wladimir, ka deklaruar sot se mban mbi supe një pjesë të fajit për humbje e vëllait të tij në duelin ndaj Anthony Joshua, më 29 prill, në “Wembley” të Londrës.

Ukrainasi pësoi një humbje me “KO” teknik në raundi e 11-të pas një dueli dramatik me britanikun, në një përballje që konsiderohet si ndër më të bukurit e historisë së boksit.

Wladimir pati një shans të mirë për ta fituar duelin në raundin e gjashtë, kur e hodhi në tapet Joshua. Ndërkohë që, deri në raundin e 10-të, ishte në avantazh, por një raund më pas erdhi përmbysja e Joshua, që hodhi në tapet Klitschko, duke detyruar gjyqtarin të ndalë sfidën. “Kam fajësuar veten për humbjen e vëllait tim. Kur Wladimir e hodhi në tapet Joshua unë i dhashë atij një këshillë të gabuar”, tha Vitali Klitschko.

-Advertisement-

“Kam fajësuar veten për humbjen e vëllait tim. Kur Wladimir e hodhi në tapet Joshua, unë i dhashë atij një këshillë të gabuar”

“Menjëherë pas humbjes nuk folëm, por pamë njëri-tjetrin në sy dhe u kuptuam. Vetëm në dhomën e zhveshjes e falënderova që zhvilloi një nga duelet e tij më të mira. E di se sa e rëndësishme ishte kjo sfidë për të, por për fat të keq ne humbëm. Në peshat e rënda, çdo grusht mund të jetë vendimtar”, tha Vitali Klitschko sot për “boxing news”.

Më tej, vëllai i madh Klitschko shtoi: “Unë i thashë Wladimir të mos nxitonte dhe ta mbante larg Joshua, pasi mendova se britaniku do ta ngadalësonte sfidën, por ndodhi e kundërta. Tani kuptoj se kam bërë një gabim të madh”, deklaroi Vitali Klitschko për mediat. Megjithatë, kjo përballje pritet të ndodhë sërish në pjesën e dytë të këtij viti, një revansh i kërkuar nga ukrainasi. “Wladimir është një boksier i madh dhe nuk ka nevojë që të fitojë revanshin për ta treguar atë. Unë do ta mbështes në çdo vendim që të marrë”, tha Vitali Klitschko.