Sport

⚽ Arsenali, gati të paguajë miliona euro për Mbappé

Autori: Gazeta inFokus 11:23 | 03 July 2017

Arsène Wenger dëshiron të marrë sulmuesin Mbappé, duke llogaritur të gjitha shpenzimet. Siç raporton “Daily Mirror”, trajneri i “topçinjve” është duke përgatitur një ofertë prej 142 milionë eurosh për Kilyan Mbappé, që ky i fundit të bëhet lojtar i ri i Arsenalit.

Trajneri francez ka mbajtur bisedime me babain dhe përfaqësuesin e lojtarit, Wilfried Mbappé, i cili dëshiron ta bindë djalin e tij për të luajtur sezonin e ardhshëm në Londër. Wenger e siguroi atë se Mbappé do të bëhej yll i ri i klubit londinez, ndërsa, sipas gjykimit të tij, te Real Madridi rrezikon të luajë pak minuta për shkak të konkurrencës në sulmin e bardhë.

-Advertisement-

Wenger parashikon një të ardhme si ajo e Thierry Henry (8 vite lojtar i Arsenalit, 369 ndeshje dhe 226 gola) në Londër për 18-vjeçarin. Por francezi Mbappé nuk është qëllimi i vetëm për Arsenalin. Ekipi në veri të Londrës ka kthyer vëmendjen e tij edhe për Alexandre Lacazette. “The Telegraph” thotë se sulmuesi i Olympique Lyon është afër zyrtarizimit si lojtar i i ri i Arsenalit në këmbim të 59 milionë eurove. Vetë mediumi në fjalë tregon se lojtari do të udhëtojë në ditët e ardhshme në kryeqytetin anglez për të përfunduar testet mjekësore dhe të nënshkruajë kontratën e tij të re, e cila do të shtrihet për pesë sezone.

Por, në qoftë se flisni për biletat e para në ardhje duhet të llogarisim edhe largimet. Alexis Sánchez dhe Olivier Giroud janë emrat që kanë më shumë opsione për të lënë Arsenalin këtë verë. I pari do të vendosë të ardhmen e tij pasi të përfundojë pjesëmarrjen e tij në Kupën e Konfederatave. Manchester City dhe Bayern Munich janë destinacione të mundshme të kilenit. Largimi i tij do të lërë një shumë të madhe ekonomike në arkat e Arsenalit, para që do të lehtësonin investimet e mëdha, Mbappé dhe Lacazette.

Subscribe në YouTube: GAZETA INFOKUSI