Sport

⚽️ Plani A dhe Plani B i Barcelonës për transferime (Foto)

Autori: Gazeta inFokus 17:18 | 14 June 2017

Barcelona ka gati Planin A dhe Planin B për transferimet gjatë kësaj vere.

Trajneri i Barcelonës, Ernesto Valverde ka kërkuar tre lojtarë për sezonin e ri, një mbrojtës, një mesfushor dhe një sulmues.

Ai tashmë ka përzgjedhur lojtarët që dëshiron në skuadër, ku ka bërë gati dy plane.

Plani A është që në Camp Nou të transferojë mbrojtësin e Arsenalit, Hector Bellerin, mesfushorin e PSG-së, Marco Verratti dhe sulmuesin e Borussia Dortmundit, Ousmane Dembele.

-Advertisement-

Por, në rast se dështojnë këto transferime, atëherë ai ka gati edhe Planin B prej tre lojtarëve të tjerë.

Në vend të Bellerin ai e dëshiron mbrojtësin e Benficas, Semedo, në vend të Verrattit e dëshiron mesfushorin e Nice, Michael Seri dhe në vend të Dembeles e dëshiron kthimin e Gerard Deulofeut nga Everton.