Sport

⚽️ FFK me ultimatum për klubet e Superligës

Autori: Gazeta inFokus 17:13 | 02 August 2017

Komiteti Ekzekutiv i FFK-së, nën drejtimin e presidentit Fadil Vokrri mbajti mbledhjen e radhës ku diskutoi për shumë çështje me rëndësi.

Komisioni ka konstatuar se shumë nga klubet nuk kanë vend dhe hapësirë adekuate për media si ato të shkruara dhe elektronike sikur që ka konstatuar edhe gjendjen jo të mirë të zhveshtore me theks të veçantë nyejve sanitare.

Këtë konstatim KE e mori me shqetësim dhe seriozitet të madh aq më parë që FFK-ja më herët kishte ndarë mjete financiare pikërisht për këtë qëllim, ndaj u bën thirrje të gjitha klubeve që të sigurojnë hapësirë dhe vende adekuate për media dhe të përmirësojë gjendjen në zhveshtore, në të kundërtën pa përmbushjen e këtyre kushteve nuk do tu jepet leja për zhvillimin e ndeshjeve në këtë kampionat.

-Advertisement-

“Në këtë drejtim, me qëllim që klubeve tu jepet kohë e mjaftueshme KE mori vendim që nga kampionati 2019/2020 asnjë klub e Superligës nuk mund të zhvillojë ndeshje në stadium i cili nuk i plotëson kriteret për Kategorinë e dytë të stadiumeve. Tashmë të gjitha klubet i kanë këto kritere dhe vetëm kërkohet angazhim i klubeve për përmbushjen e tyre”, thuhet në njoftimin e FFK-së.

Subscribe në YouTube: GAZETA INFOKUSI