Sport

⚽️ Askush si Ronaldo

Autori: Gazeta inFokus 11:20 | 22 June 2017

Cristiano Ronaldo ecën linearisht drejt fitimit të “Topit të Artë” për herë të pestë.

As zhurma e gjeneruar nga padia penale e prokurorisë spanjolle për evazion fiskal nuk e ka shpërqendruar vëmendjen e tij në fushën e blertë. 2017 është duke u konfirmuar si vit i përkryer për portugezin, i cili mbylli një sezon të patëmetë me Real Madridin, teksa ka qenë lider absolut i “Los Blancos” në fitimin e titullit në La Liga, të Champions-it të dymbëdhjetë.

Ai ka shënuar 32 gola në 32 ndeshje (26 gola në 27 ndeshje me Real Madrid dhe 6 gola në 5 ndeshje me Portugalinë).

-Advertisement-

Goli i tij i djeshëm në Rusi, në Kupën e Konfederatave, jo vetëm ka shërbyer që Cristiano të përsosë mesataren e tij, duke shënuar nga një gol për ndeshje, por, ylli i Real Madridit ka shënuar yashmë në të gjitha garat ndërkombëtare, ku ka luajtur me kombëtaren e tij: Botëror (3 gola), Europian (9 gola) dhe Kupa e Konfederatave (1 gol). Ronaldo është bërë lojtari i parë i Real Madridit që shënon një gol në këtë turne, që nga viti 1995 (Michael Laudrup).

Subscribe në YouTube: GAZETA INFOKUSI