Sport

Dy humbje radhazi, Gattuso mbyll skuadrën në qendrën stërvitore

Autori: Gazeta inFokus 12:46 | 21 December 2020

Dy humbjet radhazi në kampionat, kundër Interit dhe Lazios nuk janë pritur mirë nga drejtuesit e Napolit dhe as nga trajneri Genaro Gattuso.

Si reflektim ndaj kësaj situate, Napoli ka njoftuar se ekipi do të qëndrojë në qendrën stërvitore duke u përgatitur për ndeshjen e tyre të fundit të vitit 2020 kundër Torinos të Mërkurën.

“Partenopei” pasuan humbje 1-0 ndaj Interit dhe 2-0 kundër Lazios në dy ndeshjet e fundit, përcjell KosovaPress.

-Advertisement-

“Nga sot, pas seancës stërvitore të pasdites, ekipi do të jetë në qendrën stërvitore për t’u përgatitur më mirë për ndeshjen e ardhshme në “Diego Armando Maradona” dhe vendimi ishte, sipas “Sky Sport Italia”, i marrë nga trajneri Gennaro Gattuso.

Lorenzo Insigne kthehet nga pezullimi, por Hirving Lozano dhe Kalidou Koulibaly janë në dyshim për ndeshjen kundër Torinos.

Subscribe në YouTube: GAZETA INFOKUSI