Lajme

​17 pacientë me COVID-19 në gjendje kritike

Autori: Gazeta inFokus 17:24 | 10 July 2020

17 pacientë me koronavirus nga 282, që janë të shtrirë në klinikat e Qendrës Klinike Universitare të Kosovës dhe shtatë spitalet e përgjithshme, janë në gjendje kritike, ka njoftuar QKUK-ja.

Në njoftimin e përditshëm, Shërbimi Spitalor Klinik Universitare ka bërë të ditur se në QKUK janë të shtrirë 160 pacientë, ndërsa 122 janë në spitalet e përgjithshme.

103 pacientë janë në Klinikën Infektive, 39 në Pulmologji dhe 17 në njësinë intensive të mjekësisë sportive.

-Advertisement-

Prej numrit total të pacientëve 122 pacientë janë me oksigjenoterapi në QKUK, kurse 69 në spitalet e përgjithshme.

Prej 17 pacientëve në gjendje kritike, 4 prej tyre janë të intubuar.

Shtimi i pacientëve nëpër spitalet në Kosovë vjen pas rritjes së konsiderueshme të numrit të të prekurve me koronavirus. Deri tash në Kosovë janë regjistruar 4307 raste pozitive me COVID-19, me 94 që kanë vdekur. 2095 janë shëruar.

Subscribe në YouTube: GAZETA INFOKUSI
Rëndësia e komunikimit efektiv midis Familjes dhe Kopshtit

Të tjera

Fokusi

lajme