Sport

⚽ Juventus, 130 milionë euro për pesë lojtarë

Autori: Gazeta inFokus 17:52 | 10 July 2017

Douglas ka postuar një fotografi në avion: drejt Europës. Në orët e ardhshme ai i është bashkuar Bayern Munich dhe pritet t’i kërkojë drejtuesve gjermanë që të shitet tek Juventus. Klubi bardhezi është në pritje.

E njëjta gjë vlen edhe për Bernardeschi-n, sepse nesër administratori i deleguar i “Zonjës” Beppe Marotta dhe presidenti i Fiorentina-s Mario Cognini duhet të takohen për të folur për Feden. Kjo javë do të jetë shumë e nxehtë për merkaton bardhezi.

Ndërkohë, shtypi spanjoll ka bërë të ditur se James Rodriguez dhe Inigo Martinez janë afër “Zonjës së Vjetër”. Emra të rëndësishëm, por që Juventus mund t’i përballojë falë 129,5 milionë eurove të fituara si finaliste e Champions League të sezonit të kaluar. Kjo shumë mund të investohet e gjitha në këtë merkato për të përforcuar skuadrën me 5 lojtarë cilësorë. Gjithsesi, objektivat kryesorë janë Costa dhe Bernardeschi. Me të parin është arritur një marrëveshje në vija të përgjithshme për kohëzgjatjen e kontratës dhe rrogën (4 vite me 6 milionë euro), ashtu si me dytin, të cilit i është ofruar një kontratë 4-vjeçare me 4 milionë euro në sezon.

-Advertisement-

Pengesat janë Bayern dhe Fiorentina. Me bavarezët do të flitet shumë shpejt për çmimin (40 milionë) duke parë se dy klubet mësohet të kenë rënë dakord për transferimin e brazilianit me formulën e huazimit me detyrimin e blerjes në fund të sezonit.

Për sa i takon Bernardeschi-t, hapi i parë, siç u tha më sipër, do të hidhet nesër kur Marotta do të takohet me Cognini-n. Edhe Fiorentina kërkon 40 milionë, por është e interesuar edhe për dy bardhezinjtë Rincon dhe Orsolini.

Me përjashtim të surprizave, braziliani dhe italiani do vishen bardhezi shumë shpejt. ndërkohë, Emre Can dhe Matuidi janë dy emrat për mesfushën. Në rastin e francezit, problemi është se PSG kërkon 30 milionë euro për një 30-vjeçar; në rastin e gjermanit të Liverpool ekziston hipoteza për të investuar të njëjtën shifër, por për një lojtar 23-vjeçar, i cili mund të jetë një nxënës i Khedira-s te bardhezinjtë, përveçse te kombëtarja e Gjermanisë. Kontratat e të dy lojtarëve skadojnë në 2018-ën.

Subscribe në YouTube: GAZETA INFOKUSI