Sport

⚽️ ZYRTARE: Kjo është e ardhmja e Asensio (Foto/Video)

Autori: Gazeta inFokus 11:32 | 13 June 2017

Marco Asensio do të rinovojë kontratën me Real Madridin deri në vitin 2023, i cili do të ketë klauzolë lirimi 350 milionë euro.

Marco Asensio do të luajë në “Santiago Bernabeu” deri në vitin 2023. Ditëve të ardhme Real Madridi do të bëjë zyrtare rinovimin e kontratës me talentin spanjoll, i cili do të ketë klauzolë lirimi 350 milionë euro, kështu shkruan e përditshmja spanjolle Marca, transmeton Gazeta Express.

Asensio ka shkëlqyer që në sezonin e parë me Real Madridin, duke tejkaluar pritshmërit e Los Blancos.

21 vjeçari ka shinuar në çdo kompeticion për Realin në sezonin që lamë pas. Ai realizoi edhe në finale të Ligës së Kampionëve ndaj Juventusit, duke u bërë lojtari më i ri i Realit që shënon në një finale.

-Advertisement-

Marca shkruan se Reali nuk e ka me nguti rinovimin, pasi Asensio ko kontratë deri në vitin 2022, por do ta bëjë një gjë të tillë vetëm për të futur klauzolën prej 350 milionë eurove.

Asensio, që shihet si talenti më premtues në Spanjë, u transferua te Reali në dhjetor të vitit 2014 nga Mallorca për 3.9 milionë euro, i cili qëndroi në formë huazimi te kjo skuadër, e më pas edhe te Espanyol deri në vitin 2016, kur u kthye për të impresionuar botën me talentin e tij.

Është vetëm 21 vjeçar, por tashmë Zinedine Zidane i beson plotësisht talentit spanjoll, të cilin e ka inkuadruar në çdo ndeshje të rëndësishme të këtij sezoni.

Asensio, i cili e përfundoi sezonin me 10 gola në 38 paraqitje, shihet si e ardhmja e Real Madridit dhe Spanjës.