Milot Rashica është njëri ndër të paktit futbollistë që kanë depërtuar në Evropë nga futbolli kosovar pas luftës, shkruan sot gazeta zeri.

Mesfushori vushtrrias, pas paraqitjeve mbresëlënëse në futbollin e këtushëm, u transferua në Vitesse nga Kosova e Vushtrrisë.

Fillimisht ai i kishte kaluar me sukses provat tek skuadra holandeze, së cilës i ishte bashkuar përfundimisht në verën e vitit 2015.

Dhe ai i kishte mahnitur të gjithë me formën që e kishte shfaqur në Holandë, duke u bërë menjëherë lojtar i rëndësishëm i ekipit të tij.

Madje, me këtë sensacion e kishte mahnitur edhe veten, pasi nuk e priste se do të shpërthente aq shpejt tek Vitesse.

“Më duhet ta them sinqerisht se jam mahnitur se sa shpejt jam adaptuar në Vitesse”, ka thënë fillimisht Rashica për “Metro”.

Mbi të gjitha pasi dallimi në mes ligës së Kosovës dhe asaj të Holandës është mjaft i madh.

“Niveli i futbollit në Holandë ishte shumë më i lartë sesa isha mësuar në vendin tim”, ka vazhduar përfaqësuesi kosovar.

Holanda ishte synimi i tij, pasi e shihte si mundësinë ideale për t’u zhvilluar. Ai e kishte luajtur pjesën e dytë të sezonit 2014/15 në Vushtrri, në formë huazimi nga Vitesse.

“Dëshiroja të shkoja në Holandë sepse aty u jepet rasti më shumë lojtarëve të rinj. Unë jam lojtar ofanziv dhe Holanda ishte vendi i duhur. Unë isha aty në prova gjatë vitit 2014 dhe ishte diçka e mahnitshme. Isha i lumtur dhe i nderuar që më ishte ofruar kontrata pas një viti”, shtoi ish-përfaqësuesi i Kombëtares shqiptare.

S’e di të ardhmen, pëlqen Realin

Rashica nuk e di ende se ku do të luajë në të ardhmen, por zbulon se e pëlqen Real Madridin, ku sigurisht ëndërron të luajë çdo futbollist.

“Është e vështirë ta them se ku do ta kem kulmin e karrierës. Real Madridi është klubi im i favorizuar sepse Ronaldo luan aty”, ka shtuar Rashica.

E duan në Itali

Rashica është bërë objektiv i skuadrave evropiane, mbi të gjitha atyre italiane dhe më i zëshmi duket të jetë Napoli, i cili e do me ngulm gjatë kësaj vere.

Klubi nga Serie A e sheh atë si zëvendësuesin ideal të Jose Callejonit, i cili mund të largohet nga napolitanët në fund të këtij sezoni.

Vushtrriasi është gati për hapin e radhës dhe ky mund të jetë sezoni i tij i fundit në Holandë.

Në sezonin e tij të parë ai menjëherë e tregoi veten. Nga 36 ndeshje të zhvilluara në të gjitha kompeticionet, realizoi 4 gola dhe dhuroi 12 asistime.

Deri më tash në përgjithësi ai ka zhvilluar 70 ndeshje me Vitessen, duke realizuar 12 gola dhe ka dhuruar 17 asistime.

Gjithashtu ai është lojtar i rëndësishëm i Përfaqësueses së Kosovës, së cilës i është bashkuar vitin e kaluar.

BKT Kosova vlerësohet për herë të tretë "Banka e Vitit 2023 në Kosovë" nga The Banker

Sponsoruar