Sport

⚽️”Çmenduri” te Besa, këto janë super-premitë rekorde për ‘kokën’ e Llapit

Autori: Gazeta inFokus 12:25 | 25 May 2017

Fitorja eventuale ndaj Llapit në finale të DigitAlb Kupës do t’i pasurojë futbollistët e Besës me nga 4 mijë euro.

Burime të Gazetës Sheshi brenda klubit pejan zbulojnë super-premitë që kryesia ua ka premtuar futbollistëve në rast triumfi më 31 maj.

Secili lojtar kontribues në fitore do të përfitonte nga 4 mijë euro, premi rekorde e dhënë ndonjëherë në futbollin kosovar.

-Advertisement-

Në rast të fitores, përveç parave si triumfues i Kupës, Besës nuk do t’i takojë asgjë tjetër.

E nga fitimi i Kupës, pejanët do t’i merrnin 20 mijë euro. Kjo do të ishte një pjesë e vogël e shumës së përgjithëshme për premia.

Nga ana tjetër, një fitore eventuale Llapin do ta dërgonte edhe në arenën ndërkombëtare. Ndërsa, fitorja e Besës e dërgon Prishtinën si nënkampione në Evropë.

Andaj, nëse Besa ka arsye që futbollistëve t’u japë nga 4 mijë euro për fitore, llapjanët sigurisht se do të ’çmendin’ me premiat. Gjithsesi, mbetet të shihet kjo…

Finalja e DigitAlb Kupës luhet më 31 maj në stadiumin ”Riza Lushta” prej orës 16:30.

Subscribe në YouTube: GAZETA INFOKUSI