Sport

⚽️ Zidane flet sërish për formën e Cristianos

Autori: Gazeta inFokus 17:00 | 20 May 2017

Zidane shpreson që Ronaldo do të vazhdojë me formën e mirë edhe në dy “finalet” e mbetura.
Trajneri i Real Madridit, Zinedine Zidane, po mundohet ta mbajë të motivuar, Cristiano Ronaldon, për pjesën më të rëndësishme të sezonit.

Francezi u shpreh i lumtur me formën e CR7, i cili po kalon momente fantastike pikërisht atëherë kur u duhet më së shumti “Los Blancos”.

Zidane shpreson se Ronaldo do të vazhdojë me formën e mirë edhe në dy ndeshjet e mbetura, sfidat më të rëndësishme të sezonit, apo thënë ndryshe, finalet e mbetura.

-Advertisement-

Nesër Reali përballet nga ora 20:00 me Malagan dhe kërkon titullin e kampionit të Spanjës, që i duhet vetëm një pikë për ta rrëmbyer për herë të parë që nga viti 2012.

Derisa me 3 qershor, do të përballet me Juventusin në finale të Ligës së Kampionëve.

“Ai është duke bërë paraqitje fantastike dhe është në një formë shumë të mirë, ashtu si pjesa tjetër e skuadrës. Ronaldo është shumë i lumtur”, tha Zidane.

“Kanë mbetur edhe dy ndeshje dhe ne do të japim gjithçka nga vetja në këto dy ndeshje”, shtoi trajneri francez.

Subscribe në YouTube: GAZETA INFOKUSI