⚽️ UEFA “pasuron” klubet kosovare
Autori: Gazeta inFokus 18:50 | 19 May 2017
Dy klube të Kosovës në këtë verë do të debutojnë në gara evropiane, do të thithin edhe para të majme nga UEFA.
Kampionia e Kosovës që do të debutojë në Ligën e Kampionëve, Trepça ’89, qysh në start do të pasurohet gati me gjysmë milioni euro. Madje mund të bëhet milionere, varësisht prej rezultateve. Para të majme do të marrë edhe ekipi tjetër kosovar që do të debutojë në Europa League.
Klubet kosovare pritet ta thyejnë përfundimisht akullin këtë vit, duke marrë pjesë në garat evropiane, pak më shumë se një vit pas pranimit të Kosovës në UEFA e FIFA, shkruan Zëri.
’89-shi, gati gjysmë milioni në start
Pa dyshim klubi kosovar që do të përfitojë më së shumti këtë vit është Trepça ’89.
Mitrovicasit për titullin e kampionit që e siguruan së fundmi do të pasurohen me 260 mijë euro, shumë të cilën UEFA ua ndan kampionëve të shteteve përkatëse.
Dhe jo vetëm kaq. Në xhirollogarinë e “Xehetarëve” do të përfundojnë automatikisht 220 mijë euro të tjera vetëm për pjesëmarrje në rundin e parë të Ligës së Kampionëve.
Kjo i bie se “Minatorët” do t’i përfitojnë rreth gjysmë milioni euro këtë verë, ose më saktësisht 480 mijë euro. I pyetur nga “Zëri” kryetari i klubit Abedin Zeka nuk ka dashur ta tregojë shifrën e përafërt se sa kanë shpenzuar mitrovicasit këtë sezon.
’89-shi synon rrethin e dytë
Mitrovicasit nuk do të dalin në garat evropiane vetëm si turistë. Krerët e klubit janë në dëlir pasi arka e “Xehetarëve” do të mbushet. Madje, ata thonë se nuk do të dalin në Evropë vetëm si turistë, pasi kanë ambicie të shkojnë përpara.
“Sigurisht, tash e tutje do të rritet buxheti i klubit dhe do t’i kemi punët edhe më mirë. Do të kemi më shumë të hyra nga marketingu, e mbi të gjitha nga UEFA. Lojtarët do të kenë kushte më të mira”, ka thënë fillimisht Zeka.
“Ne do ta kërkojmë minimumi kalimin e rundit të parë të Ligës së Kampionëve, por do të mundohemi të jemi të suksesshëm edhe në atë të dytë”, shtoi ai.
Në rast se e kalon rundin e parë, ’89-shi do të shpërblehet nga UEFA me 320 mijë euro për kalimin në rrethin e dytë, ndërsa kualifikimi eventual në rundin e tretë do t’i pasuronte mitrovicasit edhe me 420 mijë euro të tjera. Me këtë rast Trepça ’89 do ta kalonte njëmilionëshin e përfitimeve, një shumë e jashtëzakonshme kjo.
“Pasurohet” edhe fituesi i Kupës
Krahas kampionit këtë vit arkat mund t’i mbushë edhe fituesi i Kupës së Kosovës.
Pasi Besa nuk e ka marrë licencën, Llapi, me një fitore eventuale në finalen e 31 majit, do të shpërblehej me 215 mijë euro vetëm për pjesëmarrje në rundin e parë kualifikues të Europa Leagues.
Kualifikimi eventual në rundin e dytë do t’i pasuronte llapjanët me 225 mijë të tjera, e në rundin e tretë edhe me 235 mijë.
Sigurisht UEFA e ka paraparë që klubet kanë shpenzime të mëdha në organizim të ndeshjeve dhe në udhëtime, prandaj e ka paraparë se shpërblimi i klubeve në këtë mënyrë është mëse i nevojshëm.
Llapi favorit për Europa League, nënkampioni në pritje
Federata e Futbollit të Kosovës i ka licencuar katër klube për pjesëmarrje në garat evropiane, Trepçën ’89, Feronikelin, Prishtinën dhe Llapin dhe vetëm dy prej tyre do të luajnë në Evropë sezonin e ardhshëm, ’89-shi dhe fituesi i Kupës, që mund të jetë Llapi. Nëse jo, atëherë në Europa League shkon nënkampioni i Kosovës. Për momentin pozitën e dytë në Superligë e mban Prishtina.
“Nikli” pret UEFA-n
Ndërkohë “Nikli” është ankuar në UEFA pasi konsideron se ka fakte të bollshme për të treguar se procesi i licencimit të klubeve ka qenë i kriminalizuar dhe me falsifikime, mbi të gjitha në kriterin inanciar.
Edhe prishtinasit janë ankuar në parregullsi në këtë rast. Të dyja klubet mbesin në pritje. Megjithatë, fjalën e fundit nëse ka pasur dallavere në procesin e licencimit do ta japë UEFA, e cila e ka pranuar të mërkurën dosjen e klubit nga Drenasi.
Plus 30 mijë për kampionin, 20 mijë për fituesin e Kupës
Përpos UEFA-s, klubet kosovare këtë sezon do t’i shpërblejë edhe Federata e Futbollit të Kosovës.
Kampioni do t’i fitojë 30 mijë euro, nënkampioni 20 mijë, vendi i tretë 15 mijë, vendi i katër 10 mijë dhe pozita e pestë 5 mijë.
Ndër të tjera fituesi i Kupës do t’i fitojë 20 mijë euro, kurse finalisti 10 mijë sosh.
Në konkurrencën e femrave kampioni do të shpërblehet me 5 mijë euro, kurse fituesi i Kupës me 4 mijë e finalisti me 2 mijë euro.
Shpërblimet e UEFA-s
Liga e Kampionëve
Kampioni i shtetit: 260.000 euro
Rundi i parë kualifikues: 220.000
Rundi i dytë kualifikues: 320.000
Rundi i tretë kualifikues: 420.000
Europa League
Rundi i parë kualifikues: 215.000
Rundi i dytë kualifikues: 225.000
Rundi i tretë kualifikues: 235.000
Të tjera
-
Policia arrẹston në Bërnjak një të dyshuar për krimẹ luftẹ në Gjakovë
Policia e Kosovës ka arrestuar të shtunën një person nën dyshimet për krime l...
-
25 vjetori i mἀsakrës së Mejës, Presidentja Osmani e quan “Srebrenicë të Kosovës”
Në 25 vjetorin e masakrës së Mejës, Presidentja Vjosja Osmani e kryeministri ...
-
Azemi: Ferizaj po kundërmon nga mbeturinat, shëndeti po rrẹzikohet nga i papërgjegjshmi Agim Aliu
Kryetari i LDK-së në Ferizaj, Visar Azemi ka thënë se gjendja me mbeturinat n...
-
Qeveria e Kosovës i kundërpërgjigjet Listës Serbe për kamerat e vendosura në veri
Zëdhënësi i Qeverisë, Përparim Kryeziu i është kundërpërgjigjur pretendimeve ...
-
Aksioni i Policisë së Kosovës: Identifikohen 76 lëmoshë kërkues nga Kosova dhe Shqipëria
Për 13 ditë, Policia e Kosovës ka zbatuar një aksion për parandalimin e trafi...
-
Përparim Rama: Problemit të mbeturinave në kryeqytet i erdhi fundi
Kryetari i Komunës së Prishtinës, Përparim Rama, ka njoftuar se kanë rritur k...
-
Pas Arbitrazhit, Kosova dështon edhe në Londër – do t’i paguajë ContourGlobalit 20 milionë euro
Gjykata Komerciale në Londër ka lënë në fuqi një vendim të Gjykatës Ndërkombë...
-
Zbulohet pllaka “Shtëpia e Durimit” në Shtëpinë Tradicionale të Familjes Qerkezi – Muzeu Historik 1999
Është zbuluar pllaka “Shtëpia e Durimit” në Shtëpinë Tradicionale të Familjes...
-
Pahor po përgatit një draft për dialogun Kosovë-Serbi, fillimisht dëshiron të koordinohet me Borrellin dhe vendet e QUINT-it
Ish-presidenti i Sllovenisë, Borut Pahor së fundmi është duke u përmendur si ...
-
Krasniqi kujton Masa*rën e Mejës: Ajo flet për viktimën dhe agresorin më fuqishëm dhe më drejtë se cilado gjykatë
Kryetari i Partisë Demokratike të Kosovës, Memli Krasniqi ka kujtuar masa...
-
Rohde për të pagjeturit: Keqardhje që s’është bërë progres në 3 vitet e fundit për shkak të bllokadës politike
Ambasadori gjerman në Kosovë, Jorn Rohde, në Ditën Kombëtare për Personat e Z...
-
Ambasada e ShBA-së për të zhdukurit e luftës: Prioritet gjetja e përgjigjeve për familjarët e tyre
Ambasada e Shteteve të Bashkuara të Amerikës në Kosovë ka shkruar për Ditën K...