⚽️ Besa feston, lavdërohet dhe kritikohet!
Autori: Gazeta inFokus 16:14 | 02 June 2017
Fitorja në finale të Kupës së Kosovës ndaj Llapit ka bërë që Besa të festojë, të marrë shumë lëvdata, por edhe të kritikohet, shkruan në numrin e sotëm gazeta “Zëri”.
Festojnë duke e ngacmuar Batatinën dhe Llapin
Historia e Besës është bërë goxha e begatshme. Historia e tyre tashmë numëron tri Kupa të Kosovës në periudhën e pasluftës, aq sa ka fituar edhe gjiganti kosovar, FC Prishtina. Kjo ka bërë që ekipi të gjejë pritje të ngrohtë nga simpatizuesit e vet në qendër të Pejës me t’u kthyer nga Mitrovica pas finales së fituar ndaj Llapit.
“Tahir Evropiani, prite t’i Prokurorinë e na po festojmë në qendër të qytetit. Kupa është jona e për ty Tahir ende vlen ftesa për të na u bashkangjitur në festë”, ka shkruar Besa në faqen e vet në “Facebook”.
Pastaj, deri në orët e vona pejanët kanë festuar me këngë e valle në një restorant në qytetin e tyre. Ndërsa deklaratën ‘bombastike’ e ka lëshuar kapiteni Fisnik Papuqi. “Për Evropë vizat merren në Pejë, na bëni hallall a?! Kupa te vendi, në qytetin e sportit, Pejë”, ka shkruar Papuqi në “Facebook”.
Besa lavdërohet, përmirëson imazhin
Qysh para disa ditësh kishin nisur të dëgjoheshin zërat që thoshin se Besa do t’ia lëshojë ndeshjen finale Llapit me qëllim që të mos ia humbë shansin për të dalë në Evropë. Kjo për shkak se llapjanët kishin marrë licencë për gara evropiane, por jo edhe pejanët, për të cilët fitorja e finales nuk nënkuptonte pjesëmarrje në Europa League.
Flitet se në këmbim të kësaj Besa do t’i marrë nga Llapi rreth 100 mijë euro. Por, krejt këto i demantoi fusha e blertë e stadiumit “Riza Lushta”, ku si Llapi ashtu edhe Besa luftuan pastër për fitore.
Për “Fair-Play” të dyja ekipet kanë marrë komplimente të shumta nga futbolldashësit në Kosovë dhe nga analistët. Këto komplimente i kanë ndihmuar sidomos Besës për përmirësim të imazhit, pasi në këtë edicion është dyshuar shumë e madje edhe është akuzuar për kurdisje.
Kritikohet menaxhmenti që la Besën jashtë Evropës
Derisa Besa ishte në festë dhe po merrte lëvdata për Kupën e fituar dhe për “Fair-Play”, në adresë të pejanëve nuk kanë munguar as kritikat.
Tifozë pejanë dhe analistë e kanë kritikuar kryesinë e klubit për keqmenaxhim, pasi Besa nuk ka arritur të marrë licencë për pjesëmarrje në gara evropiane, ku do ta çonte Kupa e fituar sikur ta kishte atë licencë.
Andaj, meqenëse Besa nuk posedon licencë, sipas rregullit, mundësia i është dhënë nënkampiones – në këtë rast Prishtinës. Besa pati aplikuar për licencim, por nuk i pati përmbushur kriteret.
E njëjta i ka ndodhur edhe Lirisë. Licenca kanë marrë Trepça ’89, Prishtina, Llapi dhe Feronikeli. Ky i fundit e ka konsideruar procesin të falsifikuar e të licencuar sepse “Nikli” insiston se vetëm ai dhe Prishtina kanë merituar licenca, andaj është ankuar në UEFA.
Të tjera
-
Gjendet i vde kur një burrë në Rahovec, policia nis hetimet
Një ngjarje e rëndë ka ndodhur pasditen e së premtes në Krushë të Madhe të Ra...
-
Nga një muaj paraburgim për të dyshuarit e plag osjeve në Lupç të Podujevës
Gjykata Themelore në Prishtinë ka vendosur lidhur me kërkesën e Prokurorisë T...
-
Goditet për vd*kje një 50-vjeçar në Durrës
Një person i moshës 50 vjeç ka mbetur i vdekur në Durrës si pasojë e një aksi...
-
Zëdhënësi i AAK-së: U vërtetua që mediat në Kosovë janë në shkelje e sipër nga një qeveri që koha po i kalon
Në Indeksin i fundit vjetor Botëror mbi Lirinë e Shtypit publikuar nga “Repor...
-
Begaj shpallet “Qytetar Nderi” i arbëreshëve të Kalabrisë
Presidenti i Shqipërisë, Bajram Begaj nga dita e sotme është “Qytetar Nderi” ...
-
Gjykata Themelore e Prishtinës ia cakton një muaj paraburgim Arian Sijarinës
Gjykata Themelore e Prishtinës më 03.05.2024 ka caktuar masën e paraburgimit ...
-
Bënin gara shpejtësie në Gjakovë, gjobiten ngasësit e automjeteve
Njësia Rajonale e Komunikacionit Rrugor në Gjakovë ka identifikuar dhe ndalur...
-
Gërvalla: Pa sakrificën e gazetarëve, bota do të ishte në terr për krimét e tmerrshme të Serbisë ndaj Kosovës
Ministrja e Punëve të Jashtme dhe Diasporës, Donika Gërvalla është takuar me ...
-
Kurti udhëton për në Gjermani, merr pjesë në konferencën e PES
Kryeministri i Kosovës, Albin Kurti ka udhëtuar sot për në Berlin të Gjermani...
-
Policia në Prizren shqipton 42 gjoba dhe konfiskon 14 motoçikleta
Policia e Kosovës kryesisht Njesitë Rajonale të Trafikut rrugor...
-
Me 400 kilogram du*an brenda, vetura me targa të Serbisë kapet nga Policia e Kosovës
Përmes një njoftimi për medie, Policia e Kosovës ka bërë të ditur se të enjte...
-
Enver Sekiraqa në liri derisa dënimi ndaj tij ta marrë formën e prerë
Enver Sekiraqa është dënuar gjatë ditës nga Gjykata Themelore e Prishtinës, m...